________________
पद्मपुराणम् ।
३६७
चतुःपञ्चाशत्तमं पर्व |
तेषां बभूव तेजस्वी भूतनादः पुरस्सरः । लोकपालोपमस्तस्य स्थितः पश्चान्मरुत्सुतः ॥ ६० ॥ वृताः सामंतचक्रेण यथास्वं परमैौजसः । लंकां प्रति व्रजन्तस्ते रेजुः संजातसम्मदाः ।। ६१ ।। 1 सुकेशतनयाः पूर्व लंकां माल्यादयो यथा । विमानशिखरारूढाचेलुः पद्मादयो नृपाः ।। ६२ ।। पार्श्वस्थः पद्मनाभस्य विराधितनभश्वरः । पृष्ठतो जांववस्तस्थौ सचिवैरन्वितो निजैः ।। ६३ ।। वामे भुजे सुषेणश्च सुग्रीवो दक्षिणे स्थितः । निमेषेण च संप्राप्ता वेलंधरमहीधरम् ॥ ६४ ॥ वेलंधरपुरस्वामी समुद्रो नाम तत्र च । नलस्य परमं युद्धमातिथ्यं समुपानयन् ॥ ६५ ॥ ततो नलेन सस्पर्द्ध जित्वा निहतसैनिकः । बद्धो बाहुबलाढ्येन समुद्रः खेचरः परः ।। ६६ ।। संपूज्य च पुनर्मुक्तः पद्मनाभस्य शासने । स्थापितोऽवस्थिताश्चैते पुरे तत्र यथोचितं ॥ ६७ ॥ सत्यश्रीः कमला चैव गुणमाला तथापराः । रत्नचूला तथा कन्या समुद्रेण प्रमोदिना ॥ ६८ ॥ कल्पिताः पुरशोभाढ्याः योषिद्गुणविभूषिताः । लक्ष्मीधरकुमाराय सुरस्त्रीसमविभ्रमाः ॥ ६९ ॥ athi रजनीं स्थित्वा सुवेलमचलं गताः । सुवेलनगरे तत्र सुवेलो नाम खेचरः ॥ ७० ॥ जित्वा तमपि संग्रामे हेलामात्रेण खेचराः । चिक्रीडुर्मुदितास्तत्र त्रिदशा इव नन्दने ॥ ७१ ॥ तत्राक्षयवरम्ये सुक्षेपाक्षेपितक्षपाः । अन्येद्युरुद्यता गन्तुं लंकां तेन सुविभ्रमाः ॥ ७२ ॥
Jain Education International
For Private & Personal Use Only
www.jainelibrary.org
