________________
३५१
पद्मपुराणम् ।
त्रिपंचाशत्तम पर्व । चन्दनादिभिरालिप्ते भूतले दर्पणप्रभे । पुष्पोपकारसंपन्ने नलनीपत्रशोभिनि ॥ १३३ ॥ सद्गन्धविपुलं स्वच्छं पथ्यं पेयादिपूर्वकम् । स्थाल्यादिभिर्महापात्रैः सौवर्णादिभिराहृतम् ॥१३॥ घृतपूपादिभिःकाश्चित्पान्यो राजन्ति पूरिताः। कुन्दपुष्पसमच्छायैः शालीनैः काश्विदोदनैः १३५ षड्रसैरुपदंशैश्च काश्चिद्रोचनकारिभिः । व्यंजनस्तरलैः काश्चित्पिडीबन्धोचितैस्तथा ॥१३६ ॥ पयसा संस्कृतैः काश्चिदन्याःपरमदाधिकैः । लेखैः काश्चिन्महास्वादैरन्यैः पकानिषेवितैः॥१३७॥ एवं परममाहारमिरा परिजनान्विता । हनूमंतं पुरस्कृत्य भ्रातृभावेन वत्सला ॥ १३८॥ महाश्रद्धान्वितस्वान्ता प्रणिपत्य जिनेश्वरान् । समाप्य नियमं धीरा ध्यातातिथिसमागमा १३९ निधाय हृदये रामममिरामं पतिव्रता । पवित्रांगा दिने भुंक्ते साधुलोकप्रपूजितम् ।। १४० ॥ रविरश्मिकृतोद्योतं सुपवित्रं मनोहरम् । पुण्यवर्धनमारोग्यं दिवाभुक्तं प्रशस्यते ॥ १४१ ॥ निवृत्तभोजनविधिः किंचिद्विश्रब्धतां गता । विज्ञापितेति भूयोऽपि सीता पवनसूनुना ॥१४२॥ आरोह देवि मे स्कन्धे पवित्रे गुणभूषणे । समुल्लंघ्य नदीनाथं नेष्यामि भवती क्षणात् ॥१४३॥ पश्यंतं विभवैर्युक्तं राघवं त्वत्परायणम् । भवद्योगसमानन्दं जनोऽनुभवतु प्रियः ॥ १४४ ॥ ततोंजलिपुटं बद्धा रुदती जनकात्मजा । जगादादरसंयुक्ता विचिंतितयथास्थितिः ॥ १४५॥.
Jain Education International
For Private & Personal Use Only
www.jainelibrary.org
