________________
पायूमुराणम् ।
अष्टचत्वारिंशत्तम पर्व। अथाष्टचत्वारिंशत्तम पर्व। अथोपलालनं तस्य वाछंत्यो वरकन्यकाः । बहुभेदाः क्रियाश्चक्रुर्देवलोकादिवागताः ॥१॥ वीणादिवादनैस्तासां गीतैश्वातिमनोहरैः । ललिताभिश्च लीलाभिहृतं तस्य न मानसम् ॥ २॥ सर्वाकारसमानीतो विभवस्तस्य पुष्कलः । न भोगेषु मनश्चक्रे वैदेही प्रति संहृतम् ॥३॥ अनन्यमानसोऽसौ हि मुक्तनिःशेषचेष्टितः । सीतां मुनिरिव ध्यायन् सिद्धिं मास्थान्महादरः ४ न शृणोति ध्वनि किंचिद्रूपं पश्यति नापरम् । जानकीमयमेवास्य सर्व प्रत्यवभासते ॥ ५ ॥ न करोति कथामन्यां कुरुते जानकीकथाम् । अन्यामपि च पार्श्वस्थां जानकीत्यभिभाषते ॥६॥ वायसं पृच्छति प्रीत्या गिरेव कलनादया । भ्राम्यता विपुलं देशं दृष्टा स्यान्मैथिली कचित् ॥७॥ सरस्युन्निद्रपद्मादिकिंजल्कालंकृतांभसि | चक्राहमिथुनं दृष्ट्वा किंचित्संचिन्त्य कुप्यति ॥ ८॥ सीताशरीरसंपर्कशंकया बहुमानवत् । निमील्यलोचने किंचित्समालिंगत मारुतम् ॥९॥ एतस्यां सा निषण्णेति वसुधां बहु मन्यते । जुगुप्सितस्तथा नूनमिति चन्द्रमुदीक्ष्यते ॥ १० ॥ अचिन्तयञ्च किं सीता मद्वियोगाग्निदीपिता । तामवस्थां भवेत्प्राप्ता स्यादस्या यापदैषिणाम् ॥
Jain Education International
For Private & Personal Use Only
www.jainelibrary.org
