________________
पद्मपुराणम् ।
सप्तविंशतितम पर्व। हिंसा धर्मविहीनानां यच्छता यागदक्षिणां । कुरुते पालनं यश्च तस्य भोगाः पुनर्भुवः ॥ २५ ॥ धर्मार्थकाममोक्षाणामधिकारा महीतले । जनानां राजगुप्तानां जायंते तेन्यथा कुतः ॥२६॥ नृपवाहुबलच्छायां समाश्रित्य सुखं प्रजाः । ध्यायंत्यात्मानमव्यग्रास्तथैवाश्रमिणो बुधाः ॥२७॥ यस्य देशं समाश्रित्य साधवः कुर्वते तपः । षष्ठमंशं नृपस्तस्य लभते परिपालनात् ॥ २८ ॥ अथैवमिति तत्सर्वमुपश्रित्य नराधिपः । द्रुतं रामं समाहूय दातुं राज्यं समुद्यतः ॥ २९ ॥ मुदितैः किंकरैर्भेरीघनानंदा समाहताः। आजग्मुः सचिवाः सर्वे गजवाजिसमाकुलाः ॥३०॥ जांबूनदमयान्कुंभान् गृहीत्वा वारिपूरितान् । बद्धा परिकर शूरा भासमानाः समागताः ॥३१॥ चारुनूपुरनिस्वाना दधाना वेषमर्चितं । वस्त्रालंकारमादाय पटलेग्थागताः स्त्रियः ॥ ३२ ॥ आटोपमीदृशं दृष्ट्वा किमेतदिति शब्दितं । रामं दशरथोऽवोचत्पालयेमां सुत क्षितिं ॥ ३३ ॥ रिपुचक्रमिहायातं यद्देवैरपि दुर्जयं । विजेष्ये तदहं गत्वा प्रजानां हितकाम्यया ॥ ३४ ॥ ततो राजीवनयनो राघवो नृपमब्रवीत् । किमर्थं तात संरंभमस्थाने प्रतिपद्यसे ॥ ३५ ॥ किं कार्य पशुसंज्ञैस्तैरसंभाषैर्दुरात्माभिः । येषामभिमुखीभावं प्रयासि रणकांक्षया ॥ ३६ ।। नह्याखूनां विरोधेन क्षुभ्यंति वरवारणाः । नचापि तूलदाहार्थ सनयति विभावसुः ॥ ३७॥
२-२
Jain Education International
For Private & Personal Use Only
www.jainelibrary.org
