________________
पद्मपुराणम् ।
चतुश्चत्वारिंशत्तम पर्व। अयमस्य महान्लाभो निघ्नतस्तस्य तानभूत् । यदर्धगैः शरैर्योद्धान् विव्याध सह वाहनान् ५८ अत्रांतरे परिप्राप्तः पुष्पकस्थो दशाननः । क्रुद्धः कृताशयो हंतुं शंबूकवधकारिणं ॥ ५९ ।। अपश्यच्च महामोहसंप्रावेशनकारिणीं । रत्यरत्योः समुद्धात्रीं साक्षालक्ष्मीमिव स्थितां ॥ ६० ।। चंद्रमाकांतवदनां बंधूकाभधराधरां । तनूदरी च लक्ष्मी च जलदच्छदलोचनां ॥ ६१ ।। महेमकुंभशिखरः प्रोत्तुंगविपुलस्तनीं। यौवनोदयसंपन्नां सर्वस्वीगुणसद्गतां ॥ ६२ ॥ सहितामिव कामन कांतिज्यां दृष्टिसायकां । निजां चापलतां हंतुं सुखेनैव यथेप्सितं ।। ६३ ।। सर्वस्मृतिमहाचारी रूपातिशयवर्तिनीं । सीता मनोभवोदारज्वरग्रहणकारिणी ॥६४॥ तस्यामीक्षितमात्रायां क्रोधोस्य प्रलयं गतः । अनायतापरो भावश्चित्रा हि मनसो गतिः ॥६५॥ अचिंतयच्च किं नाम जीवितं मेऽनया विना । अयुक्तस्यानया का वा श्रीर्मदीयस्य वेश्मनः ६६ इमामप्रतिमाकारां ललितां नवयौवनां । हराम्यद्यैव यावन्नो कश्चिन्जानात्युपागतं ॥ ६७॥ आरब्धं प्रसभं कार्य न मे शक्तिर्न विद्यते । किंत्विदमीदृशं वस्तु यत्कौपीनत्वमर्हति ॥ ६८ ॥ निवेयन गुणांस्तावल्लोकेऽलं याति लाघवं । ईदृशन् किं पुनर्दोषान् ख्यापयन्ना प्रियो भवेत् ६९ वितत्य सकलं लोकं शशांककरनिर्मला । कीर्तिव्यवस्थिता माभूत्सैवं सति मलीमसा ॥७॥
Jain Education International
For Private & Personal Use Only
www.jainelibrary.org
