________________
पद्मपुराणम् ।
२१३
एकचत्वारिंशत्तमं पर्व। पद्मरागाभनेत्रश्च पक्षी संकुचितच्छदः । प्रणम्य पादयोः साधोः सुखं तस्थौ कृतांजलिः॥५१॥ क्षणादग्निमिवालोक्य ज्वलंतं तेजसा खगं । पद्मो विकचपद्माक्षो विस्मयं परमं गतः ।। ५२ ॥ प्रणम्य पादयोः साधु गुणशीलविभूषणं । अपृच्छदिति विन्यस्य मुहुनें। पतत्रिणि ॥ ५३ ।। भगवन्नयमत्यंतं विरूपावयवः पुरा । कथं क्षणेन संजातो हेमरत्नचयच्छविः ॥५४॥ अशुचिः सर्वमांसादो गृद्धोयं दुष्टमानसः । निषध पादयोः शांतस्तव कस्मादवस्थितः ॥ ५५ ॥ सुगुप्तिश्रमणोऽवोचद्राजन् पूर्वमिहाभवत् । देशो जनपदाकी विषयो सुंदरो महान् ॥ ५६ ॥ पत्तनग्रामसंवाहमटंबपुटभेदनैः । घोषद्रोणमुखाद्यैश्च सन्निवेशेर्विराजितः ।। ५७ ॥ कर्णकुंडलनामात्र पुरमासीन्मनोहरं । तस्मिन्नयमभूद्राजा प्रतापपरमोदयः ।। ५८ ॥ चंडविक्रमसंपन्नो भग्नशात्रवकंटकः । दंडो मानमयः ख्यातो दंडको नाम साधनी ॥ ५९ ।। घृतार्थिना जलं तेन मथितं रघुनंदन । धर्मश्रद्धापरीतेन घृतः पापागमो धिया ॥६० ॥ देवी मस्करिणां तस्य वरिवस्या पराभवत् । तेषामसावधीशेन संभोग समुपागतः ॥ ६१॥ सोऽपि तस्याः परं वश्यस्तामेव दिशमाश्रयत् । स्त्रीचित्तहरणोयुक्ताः किं न कुर्वति मानवाः ६२ निष्क्रांतेनान्यदा तेन नगरात्साधुरीक्षितः । प्रलंबितभुजा श्रीमान् ध्यानसंरुद्धमानसः॥ ६३ ॥
Jain Education International
For Private & Personal Use Only
www.jainelibrary.org
