________________
पद्मपुराणम् ।
द्वात्रिंशत्तम पर्व। ततः पद्मो जगादेदं भवतामुत्तरं स्फुटं । निवर्तध्वमयं भद्रा यातोऽस्मि सुखमास्यतां ॥५१॥ इत्युक्त्वा निरपेक्षौ तौ परमोत्साहसंगतौ । अवतरतुरत्यंतगंभीरां तां महापगां ॥५२॥ उत्तीर्णः सरितं पद्मो जानकी विकचेक्षणां । करेण सुखमादाय पनिप्रीमिव दिग्गजः ॥ ५३ ॥ अंभोविहारविज्ञानबुधयोः सा तयाधुनी । नाभिदन्नी बभूवोद्यां क्रीडामाचरतोश्चिरं ॥ ५४॥ तदातिशोभते सीता पद्महस्ततलस्थिता । सुधीरा श्रीरिवोत्तुंगशतपत्रगृहस्थिता ॥ ५५ ॥ पारगः सीतया सार्धं लक्ष्मणेन च स क्षणात् । वृक्षरंतर्धिमायातश्चेतस्तंभनविग्रहः ॥ ५६ ॥ विप्रलापं ततः कृत्वा महांतं साश्रुलोचनाः । भवनाभिमुखीभूताः केचित्कृच्छ्रेण भूभृतः॥५७॥ तदाशान्यस्तनेत्रास्तु केचित्पुस्तमया इव । तस्थुः प्राप्यापरे मूछों निपेतुर्धरणीतले ॥ ५८ ॥ विवोध्य केचिदत्रोचुर्धिक् संसारमसारकं । धिग्भोगान्भोगिभोगाभान् भंगुरान्भीतिभाविनः।।५९॥ ईदृशामपि शूराणां यत्रावस्थेयमीदृशी । तत्र ग्रहणमस्मासु किमेरंडप्रफल्गुषु ॥ ६० ॥ वियोगमरणव्याधिजराव्यसनभाजनं । जलवुद्वदनिस्सारं कृतघ्नं धिक् शरीरकं ॥ ६१ ॥ भाग्यवंतो महासत्वास्ते नराः श्लाघ्यचेष्टिताः । कपिभ्रूभंगुरां लक्ष्मी ये तिरस्कृत्य दीक्षिताः६२ इति निर्वेदमापन्ना बहवो नरसत्तमाः । प्रव्रज्याभिमुखीभूता बभ्रमुस्तत्र रोधसि ॥ ६३ ॥
Jain Education International
For Private & Personal Use Only
www.jainelibrary.org
