________________
इहां धर्माचारज मांहरा, आया दीसे इण गाम हो। इसड़ी करे विचारणा, जोवा लागो तिण ठाम हो ॥८।। कोलाग सनिवेस तेह में, जोवै अभितर बार हो । सर्व दिस विदिस जोवै तिहां, फिरै छै एकणधार हो ।।६।। कोलाग सनिवेस बाहिरे, मनोज्ञ भूमि रसाल हो। म्है कियो विसराम तिण ऊपरे, तिहां आयो गोसालो तिण काल हो ।।१०।। तिहां गोसाले मोनै देखनै, हरष्यो घणों मन मांय हो। तीन प्रदिखणा दे वांदने, विनो करे बोल्यो वाय हो ॥११॥ थे धर्माचारज मांहरा, हूं सिष थारो सुवनीत हो। हं धर्म-अंतेवासी तेहनें, मोनै मेल आया इण रीत हो ।।१२।। आप विहार कियां पछ, हूं हुवो अतंत उदास हो । मोनै साला लागी डरावणी, हूं नीठ आयो तुम पास हो ॥१३।।
दहा
हं राजग्रही जोवण गयो, तिहां जोया अभितर बार । म्है कठेय न दीठा आपनै, जब हुई फिकर अपार ॥१॥ पछै कोलाग सनिवेस छै तिहां, आय जोया ठाम-ठाम । तिहां जस कीरत सुणी आपरी, मोनै धीरज आई ताम ।।२।। थे धर्माचारज मांहरा, हं रहसं आप समीप । मोनै अलगो आप म मेलजो, हूं पिण आतमा लेतूं जीप ।।३।। ए वचन सुणी नैं गोयमा ! इणनै म्है कीधो अंगीकार । जब गोसाले मो साथे कियो, रमणीक भूम थी विहार ॥४॥ लाभ अलाभ सुख नै दुख, वले सतकार नै असतकार । छह वरस लगे इण भोगव्या, मो साथे लगे तिण वार ॥५।।
ढाल : ७
(वेरागे मन वालियो) अणिच जागरणा जागतो, परिसा सहै दिन रात । हिवं करम जोगे तेहन, किण विध आवै मिथ्यात ।।
वीर कहै सुण गोयमा ! १॥ आं० एकदा मो साथे कियो, सिद्धार्थ गाम थी विहार । कम गाम नै चालिया, बिचै तिल देख्यो तिण वार ॥२॥ ते पान फूले हरियो घणों, सोभ रह्यो थो अतंत। ते तिल गोसाले देखनें, मौनें पूछयो ए विरतंत ॥३॥
३९० भगवती-जोड़
.
....
Jain Education Intemational
For Private & Personal Use Only
www.jainelibrary.org
