________________
ठाणांग ठाणे तीसरे, प्रथम उदेश अनूप। तीन प्रकारे देवता, करै विज्जू तारारूप ।। विकुर्वणा करतां छतां, मैथुन समय समाज । तथारूप श्रमण वा माहण नै, निज ऋद्धि देखाडण काज ।। सुयगडांग श्रुतस्कंध दूसरै, सप्तम झयण मझार । गौतम स्वामी इम कह्यो, उदक भणी सुविचार ।। तथारूप श्रमण माहण कन, इक बच धारै सार । परम उपगारी जाणने, करै वदणा नैं नमस्कार ।। कल्याणं मंगल देवयं, प्रशस्त मन हेतु चैत । जाणी ने सेवा करै, चिउं नामै माहण एथ। मुनि अधिकारै साधु नां, ए च्यारूंइ नाम । जिन अधिकार जिन तणा, च्यारू नाम सुयाम ।। प्रतिमा अधिकार बिब ना, ए च्यारूंइ नाम। पिण श्रावक नां न कह्या किहां, सूत्र पाठ में ताम ।। जिन मुनि ना चिउं नाम ते, लोकोत्तर परभव लेख । प्रतिमा ना चिउं नाम ते, इहभव लौकिक पेख ।। वलि गौतम उदक भणी क ह्यो, अम्हनै न रुचै एह। जे समणा वा माहणा, एहवं बच बोलेह । भूत शब्द घाली करी, त्रस तणा पचखाण । करणा छै श्रावक भणी, एम परूपै जाण ।। समणा वा निग्गंथा वा, तसं निश्चै कहियै नाय । ए विरुद्ध वचन सुण तेहनें, केवल अनुतापज थाय ।। इहां समण माण नै स्थानके, कह्यो श्रमण निग्रंथ । बिहं ठामैं वा शब्द छ, प्रतख पाठ में तंत ।। समणा वा नैं माहणा, ए बिहुं पाठ नै स्थान । समणा वा निग्गंथा वा, कह्या पाठ गुणखान ।। समणा वा नै माहणा, इहां पिण छै बा शब्द । समणा वा निग्गंथा वा, यां पिण वा शब्द सुलब्ध ।। द्वितीय सुयगडांग सूत्र में, दूजा अध्येन मांय ! मुक्ति - गमन योग्य संजमी, समण माहण सुखदाय ।। बारै क्रिया-स्थान नै, त्यागै अनरथ जाण । या पिण माहण साधु नै, भाख्यो श्री जगभाण ।। इत्यादिक बहु सूत्र में, जावो पाठ अमोल । भाहण कह्यो साधु भणी, पिण श्रावक नों नहिं बोल ।। तथारूप श्रमण माण भणो, दै सचित्त असझतो आहार । अल्प आयु बंधै तसुं, भगवती सूत्र मझार ।।
७७.
७८.
७६.
८०.
८२.
श०१,उ०७, ढा०२२ १६१
Jain Education Intemational
For Private & Personal Use Only
www.jainelibrary.org
