________________
७७०
पुल्फियाओ
अहासुहं देवाणुप्पिए ! मा पडिबंधं ॥
१४६. तए णं से रटकूडे विउलं असणं तहेव जहा पुन्वभवे सुभद्दा जाव' अज्जा जाया-इरियासमिया जाव गुत्तबंभयारिणी ॥ सोमाए सामाणियदेवत्ताए उववत्ति-पदं ।
१५०. तए णं सा सोमा अज्जा सुव्वयाणं अज्जाणं अंतिए सामाइयमाइयाइं एक्कारस अंगाई अहिज्जइ, अहिज्जित्ता बहूहिं छट्टट्ठम-दसम-दुवालसेहिं जाव' भावेमाणी बहूइं वासाई सामण्णपरियागं पाउणइ, पाउणित्ता मासियाए संलेहणाए अत्ताणं झोसेत्ता, सट्टि भत्ताई अणसणाए छेइत्ता, आलोइय-पडिक्कता समाहिपत्ता कालमासे कालं किच्चा सक्कस्स देविदस्स देवरण्णो सामाणियदेवत्ताए उववाज्जाहई।
१५१. तत्थ णं अत्थेगइयाणं देवाणं दो सागरोवमाई ठिई पण्णत्ता! तत्थ णं सोमस्सवि देवस्स दो सागरोवमाई ठिई पण्णत्ता॥
१५२. से णं भंते ! सोमे देवे ताओ देवलोगाओ आउक्खएणं भवक्खएणं ठिइक्ख एणं चयं चइत्ता कहिं गच्छिहिइ ? कहिं उववज्जिहिइ ? गोयमा ! महाविदेहे वासे जाव' अंतं काहिइ ।। निक्खेव-पदं
१५३. एवं खलु जंबू ! समणेणं भगवया महावीरेणं जाव' संपत्तेणं पुफियाणं चउत्थस्स अज्झयणस्स अयमठे पण्णत्ते
-त्ति बेमि ।।
पंचमं अज्झयणं
पुण्णभद्दे
१५४. जइ णं भंते ! समणेणं भगक्या महावीरेणं 'पुफियाणं चउत्थस्स अज्झयणस्स अयमठे पण्णत्ते, पंचमस्स णं भंते ! अज्झयणस्स पुप्फियाणं समणेणं भगवया महावीरेणं जाव संपत्तेणं के अट्ठे पण्णत्ते ?
१५५. एवं खलु जंबू ! तेणं कालेणं तेणं समएणं रायगिहे नामं नयरे। गुणसिलए चेइए । सेणिए राया। सामी समोसरिए । परिसा निग्गया ।
१५६. तेणं कालेणं तेणं समएणं पुण्णभद्दे देवे सोहम्मे कप्पे पुण्णभद्दे विमाणे सभाए सुहम्माए पुण्णभदंसि सीहासणंसि चउहिं सामाणियसाहस्सीहिं जहा सूरियाभे जाव बत्तीस इविहं नट्टविहिं उवदंसित्ता जाव जामेव दिसि पाउब्भूए तामेव दिसि पडिगए। कूडागार१. उ० ३१११०-११३
६. ना० १११७ । २. उ० ३।६६
७. सं० पा०-उखेवओ। ३. उ० २।१०।
८. ना० ११७ ४. गमिहिति (ख)।
६. राय० सू० ७-१२० । ५. उ० १३१४१।
१०. दिसं, (ख)।
Jain Education International
For Private & Personal Use Only
www.jainelibrary.org
