________________
पंचमं अज्झयणं
साला' । पुव्वभवपुच्छा ॥
१५७. एवं खलु गोयमा! तेणं कालेणं तेणं समएणं इहेव जंबुद्दीवे दीवे भारहे वासे मणिवइया नाम नयरी होत्था-रिद्ध-स्थिमिय-समिद्धा । चंदोतारायणे' चेइए॥
१५८. तत्थ णं मणिवइयाए' नयरीए पुण्णभद्दे नाम गाहावई परिवसई---- अड्ढे ॥
१५६. तेणं कालेणं तेणं समएणं थेरा भगवंतो जाइसंपण्णा जाव' जीवियासमरणभय-विप्पमुक्का बहुस्सुया बहुपरियारा पुन्वाणुपुर्दिव चरमाणा जाव" समोसढा । परिसा निग्गया।
१६०. तए णं से पुण्णभद्दे गाहावई इमीसे कहाए लट्ठ समाणे हट्ठतुठे जाव जहा पण्णत्तीए गंगदत्ते तहेव निग्गच्छइ जाव निक्खंतो जाव' गुत्तबंभयारी ॥
१६१. तए णं से पुण्णभद्दे अणगारे 'तहारूवाणं थेराणं" भगवंताणं अंतिए सामाइयमाइयाई एक्कारस अंगाई अहिज्जइ, अहिज्जित्ता बहूहिं चउत्थ-छट्ठट्ठम-दसम-दुवालसेहि जाव भावित्ता बहूई वासाइं सामण्णपरियागं पाउणइ, पाउणित्ता मासियाए संलेहणाए अप्पाणं झोसेत्ता, सर्द्वि भत्ताई अणसणाए छेदित्ता, आलोइय-पडिक्कते समाहिपत्ते कालमासे कालं किच्चा सोहम्मे कप्पे पुण्णभद्दे विमाणे उववायसभाए देवसयणिज्जसि' 'देवदूसंतरिए अंगुलस्स असंखेज्जइभागमेत्ताए ओगाहणाए पुण्णभद्ददेवत्ताए उववणे ॥
१६२. तए णं से पुण्णभद्दे देवे अहुणोववण्णे समाणे पंचविहाए पज्जत्तीए जाव ° भासमणपज्जत्तीए पज्जत्तभावं गए।
१६३. एवं खलु गोयमा ! पुण्णभद्देणं देवेणं सा दिव्वा देविड्डी जाव" अभिसमण्णागया ।।
१६४. पुण्णभद्दस्स णं भंते ! देवस्स केवइयं कालं ठिई पण्णत्ता? गोयमा ! दो सागरोवमाइं ठिई पण्णत्ता ॥
१६५. पुण्णभद्दे णं भंते ! देवे ताओ देवलोगाओ जाव कहिं गच्छिहिइ ? कहिं उववज्जिहिइ ? गोयमा ! महाविदेहे वासे सिज्झिहिइ जाव" अंतं काहिइ ।
१६६. एवं खलु जंबू ! समणेणं भगवया महावीरेण जाव" संपत्तेणं "पूप्फियाणं पंचमस्स अज्झयणस्स अयमठे पण्णत्ते
–त्ति बेमि ॥
१.पू०–राय० सू० १२१-१२३ 1 २. तारायण (ख); तारा इण (ग)। ३. मणिवयाए (क)। ४. राय० सू० ६८६ । ५. उ० २२। ६. भग० १६१६८-७१। ७. ४ (क,ख)। ८. उ०२।१०।
है. सं० पा० - देवसयणिज्जंसि जाव भासमण
पज्जत्तीए। १०. उ० ३१८४। ११. उ० ३१८५। १२. उ० ३८६। १३. उ० ३१८६ । १४. ना० ११३७ ! १५. सं० पा०-~-निक्लेवओ।
Jain Education International
For Private & Personal Use Only
www.jainelibrary.org
