________________
चउत्थं अज्झयणं
७६६ भवित्ता अगाराओ अणगारियं पव्वइत्तए ।
१३६. तए णं से रट्ठकूडे सोमं माहणिं एवं वयासी—मा णं तुमं देवाणुप्पिए ! इयाणि मुंडा भवित्ता अगाराओ अणगारियं पव्वयाहि, भुजाहि ताव देवाणुप्पिए ! मए सद्धि विउलाई भोगभोगाई। तओ पच्छा भुत्तभोई सुव्वयाणं अज्जाणं अंतिए मुंडा' 'भवित्ता अगाराओ अणगारियं° पव्वयाहि ।।
१४०. तए णं सा सोमा माहणी रटुकूडस्स एयमट्ठ पडिसुणेइ ।।
१४१. तए णं सा सोमा माहणी व्हाया जाव' अप्पमहग्घाभरणालंकियसरीरा चेडियाचक्कवालपरिकिण्णा साओ गिहाओ पडिनिक्खमइ, पडिनिक्खमित्ता विभेलं सण्णिवेसं मज्झमज्झेणं जेणेव सुव्वयाणं अज्जाणं उबस्सए तेणेव उवागच्छइ, उवागच्छित्ता सुव्वयाओ अज्जाओ वंदइ नमसइ पज्जुवासइ ।।
१४२. तए णं ताओ सुव्वयाओं अज्जाओ सोमाए माहणीए विचित्तं केवलिपण्णत्तं धम्म परिकहेंति -जहा' जीवा बज्झंति, 'जहा जीवा मुच्चंति ॥
१४३. तए णं सा सोमा माहणी सुव्वयाणं अज्जाणं अंतिए" दुवालसविहं सावगधम्म पडिवज्जइ, पडिवज्जित्ता सुव्वायाओ अज्जाओ वंदइ नमसइ, वंदित्ता नमंसित्ता जामेव दिसि पाउन्भूया तामेव दिसि पडिगया ।।
१४४. तए णं सा सोमा माहणी समणोवासिया जाया--अभिगयजीवाजीवा जाव" अप्पाणं भावेमाणी विहरइ ॥ सोमाए पव्वज्जा-पवं
१४५. तए णं ताओ सुव्वयाओ अज्जाओ अण्णया कयाइ विभेलाओ सण्णिवेसाओ पडिनिक्खमंति, पडिनिक्खमित्ता बहिया जणक्यविहारं विहरंति ॥
१४६. तए णं ताओ सुव्वयाओ अज्जाओ अण्णया कयाइ पुवाणुपुब्धि चरमाणीओ जाव' विहरंति॥
१४७. तए णं सा सोमा माहणी इमीसे कहाए लट्ठा समाणी हट्ठा व्हाया तहेव निग्गया जाव" वंदइ नमसइ, वंदित्ता नमंसित्ता धम्म सोच्चा जाव" जं, नवरं--रटकूडं आपुच्छामि, तए णं पव्वयामि । अहासुहं ।।
१४८. तए णं सा सोमा माहणी 'सुव्वयाओ अज्जाओ" वंदइ नमसंइ, वंदित्ता नमसित्ता सुन्वयाणं अंतियाओ पडिनिक्खमइ, पडिनिक्खमित्ता जेणेव सए गिहे जेणेव रटुकडे तेणेव उवागच्छइ, उवागच्छित्ता करयलपरिग्गहिया तहेव आपुच्छइ जाव" पव्वइत्तए ।
१. सं० फा०-भवित्ता जाव पव्वयाहि । २.सं० पाo-मुंडा जाव पव्वयाहि । ३. उ० ११६ । ४. x (ख,ग)। ५. जाव जहा (ख)। ६. ४ (क)। ७. अंतिए जाव (ख)।
८. ओ० सू० १२० ।
६. उ० ३३१३२ । १०. उ० ३३१४१ । ११. ना० १११।१०१। १२. सुव्वयं अज्ज (क,ख,ग)। १३. उ० ३.१३८ ।
Jain Education International
For Private & Personal Use Only
www.jainelibrary.org
