Page Text
________________
पुफियाओ
४८. तए णं तस्स सोमिलस्स माहणस्स अण्णया कयाइ पुन्वरत्तावरत्तकालसमयंसि कुडुंबजागरियं जागरमाणस्स अयमेयारूवे अज्झथिए' 'चितिए पत्थिए मणोगए संकप्पे समप्पज्जित्था -एवं खल अहं बाणारसीए नयरी सोमिले नाम माहणे अच्चंतमारणकुलप्पसूए, तए णं मए वयाई चिण्णाइं, 'वेदा य" अधीया', दारा आहूया, पुत्ता जणिया, इड्डीओ समाणीताओ, पसुवधा कया, जण्णा जट्टा, दक्खिणा दिण्णा, अतिही पूजिता', अग्गी हुता, जूवा' निक्खित्ता, तं सेयं खलु मम इयाणि कल्लं पाउप्पभायाए रयणीए जाव' उद्वियम्मि सूरे सहस्सरस्सिम्मि दिणयरे तेयसा जलते बाणारसीए नयरीए बहिया बहवे अंबारामे य 'माउलिंगारामे य बिल्लारामे य कविट्ठारामे य चिचारामे य पुप्फारामे य" रोवावित्तए". . एवं संपेहेइ, संपेहेत्ता कल्लं पाउप्पभायाए रयणीए जाव उद्वियम्मि सूरे सहस्सरस्सिम्मि दिणयरे तयसा जलंते वाणारसीए नयरीए बहिया अंबारामे य जाव पुप्फारामे य रोवावेइ।।
४६. तए णं बहवे अंबारामा य जाव' पुप्फारामा य अणुपुव्वेणं सारक्खिज्जमाणा संगोविज्जमाणा संवड्डिज्जमाणा आरामा जाया- किण्हा किण्होभासा जाव रम्मा महामेहनिकुरंबभूया पत्तिया पुफिया फलिया हरियगरेरिज्जमाणसिरीया अईव-अईव उवसोभेमाणा चिट्ठति ।। सोमिलस्स तावसपनवज्जा-पदं
५०. तए णं तस्स सोमिलस्स माहणस्स अण्णया कयाइ पुव्वरत्तावरत्तकालसमयंसि कुडुंबजागरियं जागरमाणस्स अयमेयारूवे अज्झथिए" चितिए पत्थिए मणोगए संकप्पे समुप्पज्जित्था एवं खलु अहं वाणारसीए नयरीए सोमिले नामं माहणे अच्चंतमाहणकुलप्पसूए, तए णं मए बयाई चिण्णाई,२ 'वेदा य अधीया, दारा आहूया, पुत्ता जणिया, इड्डीओ समाणीताओ, पसुवधा कया, जण्णा जट्टा, दक्खिणा दिण्णा, अतिही पूजिता, अग्गी हुता', जूवा निक्खित्ता, तए णं मए वाणारसीए नयरीए बहिया बहवे अंबारामा जाव" पुष्फारामा य रोवाविया, तं सेयं खलु ममं इयाणि कल्लं पाउप्पभायाए रयणीए जाव' उट्ठियम्मि सूरे सहस्सरस्सिम्मि दिणयरे तेयसा जलते सुबहुं लोहकडाहकडुच्छुयं तंबियं" तावसभंडं घडावेत्ता, विउलं असणं पाणं खाइमं साइमं उवक्खडावेत्ता, मित्तनाइ-नियग-सयण-संबंधि-परियणं आमंतेत्ता, तं मित्त-नाइ-नियग-सयण-संबंधि-परियणं
१.सं० पा०- अज्झथिए जाव समुप्पज्जित्था । ८. रोक्यिा वित्तए (क); रोवेत्तए (ख) । २. वेदाई (ग)।
६. उ० ३१४८ । ३. अहिया (ग)।
१०. ओ० सू० ४। ४. पूरिता (क)
११. सं० पा० - अज्झथिए जाव समुप्पज्जित्था । ५. जूय (ग)।
१२. सं० पा०.-चिण्णाइं जाव जूवा । ६. ओ० सू० २२ 1
१३. उ० ३।४८ । ७. एवं मालिंगा बिल्ला कविट्ठा चिचा पुप्फा- १४. ओ० सू० २२ । रामा (क,ख,ग)।
१५. संतियं (ख)।
Jain Education International
For Private & Personal Use Only
www.jainelibrary.org
| SR No. | 003577 |
| Book Title | Agam 21 Upang 10 Pushpika Sutra Puffiyao Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 414 |
| Language | Prakrit |
| Classification | Book_Devnagari, Agam, Canon, & agam_pushpika |
| File Size | 8 MB |