Page Text
________________
तइयं अज्झयणं
७४६
ताप
ते णं समणाणं निग्गंथाणं भक्खेया । से तेणठेणं सोमिला! एवं वुच्चइ-सरिसक्या मे भक्खेया वि अभक्खेया वि ॥
३६. मासा ते भंते ! किं भक्खेया ? अभक्खेया ? सोमिला ! मासा मे भक्खेया वि अभक्खेया वि ।।
४०. से केणठेणं भंते ! एवं वुच्चइ. मासा मे भक्खेया वि अभक्खेया वि? से नूणं भे सोमिला ! बंभण्णएसु नए सु दुविहा मासा पण्णत्ता, तं जहा–दव्वमासा य, कालमासा य । तत्थ णं जेते कालमासा ते णं सावणादीया आसाढपज्जवसाणा दुवालस पण्णत्ता, तं जहा · सावणे, भद्दवए, आसोए, कत्तिए, मरगसिरे, पोसे, माहे, फग्गुणे, चेत्ते, वइसाहे, जेट्टामूले, आसाढे । ते णं समणाणं निरगंथाणं अभक्खेया। तत्थ णं जेते दव्वमासा ते विहा पण्णत्ता, तं जहा अत्थमामा न घण्णमासा य। तत्थ णं जेते अत्थमासा
पण्णत्ता, तं जहा सवण्णमासा य रुप्पमासा य । ते ण समणाणं निरगंथाणं अभक्खेया। तत्थ णं जेते धण्णमासा ते विहा पण्णत्ता, तं जहा- सत्थपरिणया य, असत्थपरिणया य। एवं जहा धण्णमरिसक्या जाव से तेणछेण जाव अभक्खेया वि ।।
४१. कुलत्था ते भंते ! कि भक्खेया? अभक्खेया ? सोमिला ! कुलत्था मे भक्खेया वि अभक्खेया वि।
४२. से केणठेणं जाव अभक्खेया वि ? से नणं भे सोमिला ! बंभण्णएसु नएसु दुविहा कुलत्था पण्णत्ता, तं जहा- इत्थिकुलत्था य, धण्णकुलत्था य । तत्थ णं जेते इत्थिकुलत्था ते ति विहा पण्णत्ता, तं जहा—कुलवधुया इ वा, कुलमाउया इ वा, कुलधुया इ वा। ते णं समणाणं निग्गंथाणं अभक्खेया। तत्थ णं जेते धण्णकुलत्था एवं जहा धण्णसरिसवया। से तेणढेणं जाव अभक्खेया वि ॥
४३. एगे भवं ? दुवे भवं ? अक्खए भवं? अव्वए भवं ? अवट्ठिए भवं? अणेगभूयभाव-भविए भवं ? सोमिला ! एगे वि अहं जाव अणेगभूय-भाव-भविए वि अहं ।।
४४. से केणठेणं भंते ! एवं वुच्चइ---एगे वि अहं जाव अणेगभूय-भाव-भविए वि अहं ? सोमिला ! दव्वट्ठयाए एगे अहं, नाणदसणट्ठयाए दुविहे अहं, पएसट्टयाए अक्खए वि अहं, अव्वए वि अहं, अवट्ठिए वि अहं, उवयोगट्ठयाए अणेगभूय-भाव-भविए वि अहं । से तेणठेणं जाव अणेगभूय-भाव-भविए वि अहं ॥ सोमिलस्स सावगधम्मगहण-पदं
४५. एत्थ णं से सोमिले माहणे° संबुद्धे सावगधम्म पडिव ज्जित्ता पडिगए ।
४६. तए णं पासे अरहा अण्णया कयाइ वाणारसीओ नयरीओ अंबसालवणाओ चेइयाओ पडिनिक्खमइ, पडिनिक्खमित्ता बहिया जणवयविहारं विहरइ ।। सोमिलस्स मिच्छत्त-पदं
४७. तए णं से सोमिले माहणे अण्णया कयाइ असाहुदंसणेण य अपज्जुवासणयाए य मिच्छत्तपज्जवेहिं परिवड्डमाणेहिं', सम्मत्तपज्जवेहि परिहायमाणेहि मिच्छत्तं विप्पडिवणे ।। १. परिवड्ढमाणेहिं २ (ग)।
३. पडिवण्णे (ग)। २. परिहायमाणे हि २ (ग)।
Jain Education International
For Private & Personal Use Only
www.jainelibrary.org
| SR No. | 003577 |
| Book Title | Agam 21 Upang 10 Pushpika Sutra Puffiyao Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 414 |
| Language | Prakrit |
| Classification | Book_Devnagari, Agam, Canon, & agam_pushpika |
| File Size | 8 MB |