Agam 21 Upang 10 Pushpika Sutra Puffiyao Terapanth

SR No.: 003577
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 414
Language: Prakrit
Classification: Book_Devnagari, Agam, Canon, & agam_pushpika
File Size: 8 MB

Page 75

७४८
पुफियाओ
करेस्सामोतिकटु एवं संपेहेइ, संपेहेता हाए जाव' अप्पमहग्घाभरणालंकियसरीरे साओ गिदाओ पडिनिक्खमति. पडिनिक्खमित्ता पायविहारचारेणं वाणारसि नरि मज्झंमज्झेणं निग्गच्छइ, निग्गच्छित्ता जेणेव अंबसालवणे चेइए जेणेव पासे अरहा पुरिसादाणीए तेणेव उवागच्छइ, उवागच्छित्ता पासस्स अरहओ पुरिसादाणियस्स अदूरसामंते ठिच्चा पासं अरहं पुरिसादाणियं एवं वयासी--
३०. जत्ता ते भंते ? जवणिज्ज [ते भंते ?] ? अव्वाबाहं [ते भंते ? ] ? फासुयविहारं [ते भंते ?] ? सोमिला ! जत्ता वि मे, जवणिज्ज पि मे, अव्वाबाहं पि मे, फासुयविहारं पि मे ।।
३१. कि ते भंते ! जत्ता? सोमिला! जं मे तव-नियम-संजम-सज्झाय--झाणावस्सगमादीएसु जोगेसु जयणा । सेत्तं जत्ता॥
३२. कि ते भंते ! जवणिज्जं? सोमिला! जवणिज्जे दुविहे पण्णते, तं जहा--- इंदियजवणिज्जे य नोइंदियजवणिज्जे य ।।
३३. से कि तं इंदियजवणिज्जे? इंदियजवणिज्जे-जं मे सोइंदिय-चक्खिंदियपाणिदिय-जिभिदिय-फासिदियाई निरुवयाई वसे बट्टति । सेतं इंदियजवणिज्जे ।
३४. से कि तं नोइंदियजवणिज्जे? नोइंदियजवणिज्जे ..जं में कोह-माण-मायालोभा वोच्छिण्णा नो उदोरेंति । सेत्तं नोइंदियजवणिज्जे । सेत्तं जवणिज्जे ।।
३५. किं ते भंते ! अव्वाबाहं ? सोमिला ! जं मे वातिय-पित्तिय-संभिय-सन्निवाइया विविहा रोगायका सरोरगया दौसा उवसंता नो उदोरेंति । से तं अव्वाबाहं ।
३६. किं ते भंते ! फासुथविहारं ? सोमिला ! जण्णं आरामेसु उज्जाणेसु देवकुलेसु सभासु पवासु इत्थी-पसु-पंडगविवज्जियासु वसहीसु फासु-एसणिज्ज पीढ-फलगसेज्जा-संथारगं उसंपज्जित्ताणं विहरामि । सेत्तं फासुयविहारं ।।।
३७. सरिसवया ते भंते ! कि भक्खेया? अभक्खेया ? सोमिला! सरिसवया [मे ? ] भक्खेया वि अभक्खेवा वि ॥
३८. से केणठेणं भंते ! एवं त्रुच्चइ ---सरितवया भे भक्वेया वि अभक्खेया वि ? से नणं भे सोमिला! बंभण्ण एसु नएसु दुविहा सरिसवथा चण्णत्ता, तं जहा मित्तसरिसवया य, धन्नसरिसक्या य । तत्थ णं जेते भित्तसरिसवया ते तिविहा पण्णता, तं जहासहजायया, सहड्डियया, सहपंसुकीलियया, ते णं समणाणं निग्गंधाणं अभक्खेया। तत्थ णं जेते धन्नसरिसवया ते दुविहा पण्णता, तं जहा --सत्थपरिणया य असत्थपरिणया य । तत्थ णं जेते असत्थपरिणया ते णं समणाणं निग्गंथाणं अभक्खेगा। तत्थ णं जेते सत्थपरिणया ते दुविहा पण्णत्ता, तं जहा---एसणिज्जा य, अणेसणिज्जाय। तत्थ णं जेते अणेसणिज्जा ते समणाण निग्गंथाणं अभक्खेपा। तत्य णं जेते एसणिज्जा ते विहा पण्णत्ता तं जहा -जाइया य, अजाइया या तत्थ ण जेते अजाइया ते णं समणाणं निग्गंथाणं अभक्खेया। तत्थ ण जेते जाइया ते दुविहा पण्णत्ता, तं जहा-लद्धा य, अलद्धा य । तत्थ णं जेते अलद्धा ते णं समणाणं निगाथाणं अभक्खेया। तत्थ णं जेते लद्धा
१. भग० २७।