Page Text
________________
सूरपण्णत्ती णं समयाति वा आवलियाति वा आणापाणूति वा थोवेति वा जाव' ओसप्पिणिउस्सप्पिणीति वा, ‘एवं खलु" सूरे आदिच्चे-सूरे आदिच्चे आहितेति वदेज्जा ।।
६. ता चंदस्स णं जोतिसिंदस्स जोतिसरण्णो कति अग्गमहिसीओ पण्णत्ताओ? ता चत्तारि अग्गमहिसीओ पण्णत्ताओ, तं जहा चंदप्पभा दोसिणाभा अच्चिमाली पभंकरा, 'जहा हेढा त चेव जाव णो चेव णं मेहुणवत्तियं । एवं सूरस्सवि भाणितव्वं ॥
७. ता चंदिमसूरिया णं जोतिसिंदा जोतिसरायाणो केरिसे कामभोगे पच्चणुभवमाणा विहरति? ता से जहाणामए केइ पूरिसे पढमजोवणदाणबलसमत्थे पढमजोव्वणद्राणब समत्थाए भारियाए सद्धि 'अचिरवत्तविवाहे अत्थत्थी' अत्थगवसणयाए सोलसवास विष्पवसिते, से णं ततो लद्धठे कयकज्जे अणहसमग्गे पुणरवि णियगघर हब्वमागए पहाते कतबलिकम्मे कतकोतुक-मंगल-पायच्छिते सुद्धप्पावेसाई मंगलाई वत्थाई पवर परिहिते अप्पमहग्याभरणालंकितसरीरे मणुण्णं थालीपागसुद्धं अट्ठारसवंजणाउलं भोयणं भुत्ते समाणे तंसि तारिसगसि वासघरंसि अंतो' सचित्तकम्मे बाहिरओ दूमिय-टु-मढे विचित्तउल्लोयचिल्लियतले 'बहुस मसुविभत्तभूमिभाए मणिरयणपणासितंधयारे" कालागुरु-पवरकुंदुरुक्कतुरुक्क-धूव-मघमत-गंधुद्धयाभिरामे सुगंधवरगंधिते गंधवट्टिभूते तंसि तारिसगंसि सयणिज्जसि दुहओ उण्णए मज्झे णत-गंभीरे सालिगणवट्टिए 'उभओ विब्बोयणे" सुरम्मे गंगापुलिणवालुयाउद्दालसालिसए 'सुविरइयरयत्ताणे ओयवियखोमियखोमदुगूलपट्टपडिच्छायणे रत्तंसुयसंवुडे सुरम्मे आईणगरूतबूरणवणीततुलफासे सुगंधवरकुसुमचुण्णसयणोवयारकलिए ताए तारिसाए भारियाए सद्धि सिंगारागारचारुवेसाए संगतगतहसितभणितचिट्टितसंलावविलासणिउणजुत्तोवयारकुसलाए अणुरत्ताए अविरत्ताए मणोणुकूलाए एगंतरतिपसत्ते अण्णत्थ कत्थइ मणं अकुव्वमाणे इठे सद्दफरिसरसरूवगंधे पंचविधे माणुस्सए कामभोगे पच्चणुभवमाणे विहरेज्जा ! ता से णं पुरिसे विउसमणकालसमयंसि केरिसयं सातासोक्खं पच्चणुभवमाणे विहरति ? ओरालं समणाउसो ! ता तस्स णं पुरिसस्स कामभोगेहितो एतो अणंतगुणविसिटुतरा चेव वाणमंतराणं देवाणं कामभोगा, वाणमंतराणं देवाणं कामभोगेहितो अणतगुणविसिट्रतरा चेव असुरिंदवज्जियाणं भवणवासीण देवाणं कामभोगा, असूरिंदवज्जियाणं भवणवासीणं देवाणं कामभोगेहितो अणंत गुणविसिटतरा चेव असुरकुमाराणं इंदभूयाणं देवाणं कामभोगा, असुरकुमाराणं इंदभूयाणं देवाणं कामभोगेहितो अणंतगुण विसिटुतरा चेव गहगणणक्खत्ततारारूवाणं कामभोगा, गहगणणक्खत्ततारारूवाणं कामभोगेहिंतो अणंतगुणविसिट्टतरा चेव चंदिमसूरियाणं देवाणं कामभोगा, १. भ० १२:१२६; ठाण २१३८८,३८६। ८. मणिरयणपगासियंधयारे बहुसमरमणिज्जे २. से एएणं अट्ठणं एवं बच्चति (ट,) ।
भूमिभागे पंचवण्णरस २ सुरभिमुक्कपुष्फ३. एवं तं चेव पुव्वभणियं अट्ठारसमे पाहुडे पुंजोवयारे कलिते (ट,व)।
तहा णेयध्वं जाव मेहुणवत्तियं (ट,व)।। ६. पण्णत्तगंडविब्बोयणे (ग,घ,सूवृपा, चंपा) । ४. x (ट,व)।
१०. उवचितदुगुल्लपट्टपडिच्छयणे सुविरइयत्ताणे ५. अचिरवत्तविवाहकज्जे (भ० १२११२८)। (ट,ब) । ६. अभितरओ (ट,व)।
११. विसिट्टतराए (ग,घ) । ७. आइण्णतले (चंब); चिल्लगतले (चंवृपा)।
Jain Education International
For Private & Personal Use Only
www.jainelibrary.org
| SR No. | 003574 |
| Book Title | Agam 16 Upang 05 Surya Pragnapti Sutra Surpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 505 |
| Language | Prakrit |
| Classification | Book_Devnagari, Agam, Canon, & agam_suryapragnapti |
| File Size | 9 MB |