Agam 16 Upang 05 Surya Pragnapti Sutra Surpannatti Terapanth

SR No.: 003574
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 505
Language: Prakrit
Classification: Book_Devnagari, Agam, Canon, & agam_suryapragnapti
File Size: 9 MB

Page 172

वीसइम पाहुडं
वा चंदरस वा सूरस्स वा लेसं 'आवरेत्ता वीतीवयति" तया णं मणुस्सलोए मणुस्सा वदंति--... ‘एवं खलु" राहुणा चंदे वा सूरे वा गहिते एवं खलु राहुणा चंदे वा सूरे वा गहिते। ता जया णं राहू देवे आगच्छमाणे वा गच्छमाणे वा विउव्वमाणे वा परियारेमाणे वा चंदस्स वा सूरस्स वा लेसं आवरेत्ता पासेणं वीतीवयति तया णं मणुस्सलोयंमि मणुस्सा वदंति 'एवं खलु" चंदेण वा सूरेण वा राहुस्स कुच्छी भिण्णा एवं खलु चंदेण वा सूरेण वा राहुस्स कुच्छी भिण्णा । ता जया णं राहुदेवे आगच्छमाणे वा गच्छमाणे वा विउव्वमाणे वा परियारेमाणे वा चंदस्स वा सूरस्स वा लेसं आवरेत्ता पच्चोसक्कति तया णं मणस्सलोए मणस्सा वदतिएवं खलु राहुणा चंदे वा सूरे वा वंते-एवं खलु राहुणा चंदे वा सूरे वा वंते । ता जया णं राहू देवे आगच्छमाणे वा गच्छमाणे वा विउव्वमाणे वा परियारेमाणे वा चंदस्स वा सूरस्स वा लेसं आवरेत्ता मज्झमज्झेणं वीतीवयति तया णं मणुस्सलोए मणुस्सा वदंति · एवं खल राहुणा चंदे वा सूरे वा वइयरिए...एवं खलु राहुणा चंदे वा सूरे वा वइयरिए । ता जया णं राहू देवे आगच्छमाणे वा गच्छमाणे वा विउव्बमाणे वा परियारेमाणे वा चंदस्स वा सूरस्स वा लेसं आवरेत्ताणं अहे सपक्खिं सपडिदिसि चिट्ठति तया णं मणुस्सलोयसि मणुस्सा वदंति-- एवं खलु राहुणा चंदे वा सूरे वा घत्थे ---एवं खलु राहुणा चंदे वा सूरे वा घत्ये॥
३. ता कतिविहे णं राहू पण्णत्ते ? ता दुविहे पण्णत्ते, तं जहा --धुवराहू य पव्वराह य । तत्थ णं जेसे धुवराहू, से णं बहुलपक्खस्स पाडिवए' पण्णरसतिभागेणं पण्णरसतिभाग चंदस्स लेसं आवरेमाणे-आवरेमाणे चिट्ठति, तं जहा---पढमाए पढमं भागं जाव पण्णरसीए पण्णरसमं भाग, चरमे समए चंदे रत्ते भवइ, अवसेसे समए चंदे रत्ते य विरत्ते य भवति । तमेव सुक्कपक्खे उवदंसेमाणे-उवदंसेमाणे चिट्ठति, तं जहा. पढमाए पढमं भागं जाव पण्णरसीए पण्णरसमं भाग, चरिमे समए चंदे विरत्ते भवति, अवसेसे समए चंदे रत्ते य विरत्ते य भवइ । तत्थ णं जेसे पव्व राहू, से जहण्णेणं छण्हं मासाणं, उक्कोसेणं बायालोसाए मासाणं चंदस्स, अडतालीसाए संवच्छराण सूरस्स ।।
४. ता 'कहं ते चंदे ससी-चंदे ससी आहितेति वदेज्जा? ना चंदस्स णं जोतिसिंदस्स जोतिसरण्णो मियंके विमाणे कंता देवा कंताओ देवीओ कंताई आसण-सयण-खंभभंडमत्तोवगरणाई, अप्पणावि य णं चंदे देवे जोतिसिंदे जोतिसराया सोमे कंते सुभगे पियदसणे सुरूवे ता 'एवं खलु'" चंदे ससी-चंदे ससी आहितेति वदेज्जा ।।।
५. ता 'कहं ते" सूरे आदिच्चे-सूरे आदिच्चे आहितेति वदेज्जा? ता सूरादिया
१. आवरेति (ट,ब)। २. ४ (क,ग,ध)। ३. x (क,ग,घ)। ४. तिचरिए (ट); वेतिचरिए (व) । ५. पडिवए (ग,घ,ट,व)।
६. से गं केणछेणं एवं वुच्चइ (ट); से केण
ठेणं एवं बुच्चति (ब); भगवत्या
(१२।१२५) मपि एवं विद्यते। ७. से तेणठेणं एवं बुच्चइ (ट,व)। ८. से केणठेणं एवं बुच्चति (ट,व) ।