Agam 16 Upang 05 Surya Pragnapti Sutra Surpannatti Terapanth

SR No.: 003574
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 505
Language: Prakrit
Classification: Book_Devnagari, Agam, Canon, & agam_suryapragnapti
File Size: 9 MB

Page 169

६६२
सूरपण्णत्ती •समंता संपरिक्खित्ताणं चिति ॥
२६. ता पुक्खरोदे णं समुद्दे कि समचक्कवालसंठिते ? 'विसमचक्कवालसंठिते ? ता पुक्खरोदसमुद्दे समचक्कवालसंठिते, णो विसमचक्कवालसंठिते ।।
३०. ता पुक्खरोदे णं समुद्दे केवतियं चकवालविक्खंभेणं केवतियं परिक्खेवेणं आहितेति वदेज्जा? ता संखेज्जाइं जोयणसहस्साई आयाम-विक्खंभेणं, संखेज्जाई जोयणसहस्साई परिक्खेवेणं आहितेति वदेज्जा॥
३१. ता पुक्खरवरोदे णं समुद्दे केवतिया चंदा पभासेंसु वा पुच्छा तहेव । ता पुक्खरोदे णं समुद्दे संखेज्जा चंदा पभासेंसु वा जाव संखेज्जाओ तारागणकोडिकोडीओ सोभं सोभेसु वा सोभेति वा सोभिस्संति वा । एतेणं आभिलावणं-वरुणवरे दीवे वरुणोदे समुद्दे । खीरवरे दीवे खीरवरे समुद्दे । घतवरे दीवे घतोदे समुद्दे । खोदवरे दीवे खोदोदे समुद्दे ।। पंदिस्सरवरे दीवे गंदिस्सरवरे समुद्दे । अरुणोदे दीवे अरुणोदे समुद्दे । अरुणवरे दीवे अरुणवरे समुद्दे । अरुणवरोभासे दीवे अरुणवरोभासे समुद्दे । कुंडले दीवे कुंडलोदे समुद्दे । कुंडलवरे दीवे कुंडलवरोदे समुद्दे । कुंडलवरोभासे दीवे कुंडलवरोभासे समुद्दे । सव्वेसि विक्खंभपरिक्खेवो जोतिसाइं पुक्खरोदसागरसरिसाई ॥
३२. ता कुंडलवरोभासण्णं समुई रुयए दीवे वट्टे वलयागारसंठाणसंठिते सव्वतो' 'समंता संपरिक्खित्ताणं चिति ।।
३३. ता रुयए णं दीवे किं समचक्कवाल •संठिते ? विसमचक्कवालसंठिते ? ता रुयए दीवे समचक्कवालसंठिते, णो विसमचक्कवालसंठिते ।।
३४. ता रुयए णं दीवे केवतियं चक्कवालविक्खंभेणं केवतियं परिक्खेवेणं आहितेति वदेज्जा ? ता असंखेज्जाई जोयणसहस्साई चक्कवालविखंभेणं, असंखेज्जाइं जोयणसहस्साई परिक्खेवेणं आहितेति वदेज्जा ।
३५. ता रुयगे णं दीवे केवतिया चंदा पभासेंसु वा पुच्छा। ता रुयगे णं दीये असंखेज्जा चंदा पभासेंसु वा जाव असंखेज्जाओ तारागणकोडिकोडीओ सोभं सोभेसु वा सोभेति वा सोभिस्संति वा । एवं रुयगे समुद्दे । रुयगवरे दीवे रुयगवरोदे समुद्दे । रुयगवरोभासे दीवे रुयगवरोभासे समुद्दे । एवं तिपडोयारा तव्वा जाव सूरे दीवे सूरोदे समुद्दे । सूरवरे दीवे सूरवरे समुद्दे । सूरवरोभासे दीवे सूरवरोभासे समुद्दे । सव्वेसि विक्खंभपरिक्खेवजोतिसाई रुयगवरदीवसरिसाइं॥
३६. ता सूरवरोभासोदण्णं समुदं देवे णामं दीवे वट्टे वलयागारसंठाणसंठिते सव्वतो समंता संपरिक्खित्ताणं चिट्ठति जाव' णो विसमचक्कवालसंठिते ।।
३७. ता देवे णं दीवे केवतियं चक्कवाल विक्खंभेणं केवतियं परिक्खेवेणं आहितेति वदेज्जा ? ता असंखेज्जाइं जोयणसहस्साई चक्कवालविक्खंभेणं, असंखेज्जाई जोयणसहस्साइं परिक्खेवेणं आहितेति वदेज्जा। १. सं० पा०–समचक्कवालसंठिते जाव णो। ४. सं० पा०–सम्वतो जाव चिट्ठति। . २. खोतवरे (क)।
५. सं० पा०-समचक्कवाल जाव णो। ३. खोतोदे (क,ग,ध)।
६. सू० १६।३।