________________
एगूणवीसइमं पाहुडं
६८६
रविससिंगहणक्खत्ता, एवतिया आहिता मणुयलोए । जेसिं णामागोत्तं, ण पागता पण्णवेहिति ॥३॥ छावर्द्वि पिडगाई, चंदादिच्चाण मण्यलोयम्मि । दो चंदा दो सूरा', हुंति एक्केक्कए पिडए ॥४॥ छावर्द्वि पिडगाई, णक्खत्ताणं तु मणुयलोयम्मि। छप्पण्णं णक्खत्ता, हुंति एक्केक्कए पिडए ॥५॥ छावर्द्वि पिडगाई, महग्गहाणं तु मणुयलोयंमि । छावत्तरं गहसयं, होइ एक्केक्कए पिडए ॥६॥ चत्तारि य पंतीओ, चंदादिच्चाण मणुयलोयम्मि । छावट्टि छावटुिं, च होंति एक्किक्किया पंती ॥७॥ छप्पण्णं पंतीओ, णक्खत्ताणं तु मणुयलोयम्मि । छावट्टि छावट्टि, हवंति एक्के क्किया पंती ॥८॥ छावत्तरं गहाणं पंतिसयं हवइ मणुयलोयंमि । छावट्टि छावटुिं, हवंति य एक्कक्किया पंती ॥६॥ ते मेरुमणचरंता, पदाहिणावत्तमंडला सव्वे ।। अणवट्ठितेहिं जोगेहि, चंदा सूरा गहगणा य ॥१०॥ णक्खत्ततारगाणं, अवट्ठिता मंडला मुणेयव्वा । तेवि य पदाहिणावत्तमेव मेरुं अणुचरंति ॥११॥ रयणिकरदिणकराणं, उड्ढं च अहे य संकमो पत्थि । मंडलसंकमणं पुण, सब्भंतरबाहिर तिरिए ।।१२।। रयणिकरदिणकराणं, णक्खत्ताणं महग्गहाणं च । चारविसेसेण भवे, सुहदुक्ख विही मणुस्साणं ॥१३॥ तेसिं पविसंताणं, तावक्खेत्तं तु बड्डते णिययं । तेणेव कमेण पुणो, परिहायति णिक्खमंताणं ॥१४॥ तेसिं कलंबुयापुप्फसंठिता हुंति तावखेत्तपहा । अंतो य संकुडा बाहिं, वित्थडा चंदसुराणं ॥१॥ केणं ववति चंदो, परिहाणी केण होति' चंदस्स । कालो वा जोण्हो' वा, केणणुभावेण चंदस्स ।।१६।। किण्हं राहुविमाणं, णिच्चं चंदेण होइ अविरहियं । चउरंगुलमप्पत्तं, हिट्ठा चंदस्स तं चरति ॥१७॥ बाट्ठि-बावर्द्वि, दिवसे-दिवसे तु सुक्कपक्खस्स । जं परिवड्डति चंदो, खवेइ तं चेव कालेणं ॥१८॥
१. सूरा य (ग,घ)। २. हंति (ग)।
३. जुण्हो (क)।
Jain Education International
For Private & Personal Use Only
www.jainelibrary.org
