________________
६८९
सूरपण्णती
आहितेति वदेज्जा॥
२१. ता समयक्खेत्ते णं केवतिया चंदा पभाससु वा पुच्छा तहेव । ता बत्तीसं चंदसतं पभासेंसु वा पभासेंति वा पभासिस्संति वा, बत्तीसं सूरियाणं सतं तबइंसु वा तवइंति वा तवइस्संति वा, तिणि सहस्सा छच्च छण्णउता णवखत्तसता जोयं जोएंसु वा जोएंति वा जोइस्संति वा, एक्कारस सहस्सा छच्च सोलस महम्गहसता चारं चरिस् वा चरेंति वा चरिस्संति वा, अट्टासीति सतसहस्साई चत्तालीसं च सहस्सा सत्त य सया तारागणकोडिकोडीणं सोभं सोभिंसु वा सोभेति वा सोभिस्संति वा ! संगहणी गाहा- अट्टेव सतसहस्सा, अभितरपुक्खरस्स विक्खंभो ।
पणयालसयसहस्सा, माणुसखेत्तस्स विक्खंभो ॥१॥ कोडी बातालीसं', 'सहस्सा दो सता" अउणपण्णासा। माणुसखेत्तपरिरओ, एमेव य पुक्खरद्धस्स ।।२॥ बावतरं च चंदा, बावत्तरिमेव दिणकरा दित्ता। पुक्खरवरदीवड्ढे, चरंति एते पभासेंता ॥३॥ तिण्णि सता छत्तीसा, छच्च सहस्सा महग्गहाणं तु । णवखत्ताणं तु भवे, सोलाई दुवे सहस्साई ॥४॥ अडयालसयसहस्सा, बावीसं खलु भवे सहस्साई । दो य सय पक्खरद्धे, तारागणकोडिकोडीणं ॥५॥ बत्तीसं चंदसतं, बत्तीसं चेव सूरियाण सतं । सयलं माणुसलोयं, चरंति एते पभासेंता ॥६॥ एक्कारस य सहस्सा, छप्पि य सोला महग्गहाणं तु। छच्च सता छण्ण उया, णवखत्ता तिष्णि य सहस्सा ॥७॥ 'अट्ठासीति चत्ताई, सयसहस्साई मणुयलोगंमि"।
सत्त य सया अणूणा, तारागणकोडीकोडीणं ॥८॥ २२. एसो' तारापिंडो, सव्वसमासेण मणुयलोयंमि ।
बहिथा पुण ताराओ, जिणेहि भणिया असंखेज्जा ॥१॥ एवतियं तारगं, जं भणियं माणसंमि लोगंमि । चारं कलंबुयापुप्फसंठितं जोइसं चरति ॥२॥
१. बादालीसा (क); एषा गाथा संक्षिप्ता वर्तते 'बातालीसं स. स्सा' एते द्वे अपि पदे केवल संकेतं कुर्वतः। वस्तुत: 'बातालीसं सयसहस्साई तीसं सहस्साइ' इति पाठो युज्यते । २. सहस्स दुसया (ग,घ)। ३. अडसीइ सय सहस्सा, चत्तालीससहस्स मणुय
लोग मि (जी० ३१८३७ पादटिप्पणम्) । ४. अतः चन्द्रप्रज्ञप्ते: 'ट,व' संकेतितप्रत्योः भिन्ना वाचना विद्यते - जोतिसं गाहातो य जाव एगससिपरिवारो तारागणकोडिकोडीणं । चन्द्रप्रज्ञप्तिवृत्तावपि एष एवं पाठो व्याख्यातोस्ति ।
Jain Education International
For Private & Personal Use Only
www.jainelibrary.org
