________________
६२५
सतमं पाई 'दोहिं राइदिएहिं दो भाए ओयाए रयणिखेत्तस्स" निवुड्ढेत्ता दिवसखेत्तस्स अभिवड्ढेत्ता चारं चरइ 'मंडलं अट्ठारसहिं तीसेहिं सएहि छेत्ता, तया णं अट्ठारसमुहत्ता राती भवति चरहिं एगद्विभागमुहत्तेहिं ऊणा, दुवालसमुहुत्ते दिवसे भवइ चरहिं एगट्ठिभागमुहुत्तेहि अहिए । एवं खलु एतेणुवाएणं पविसमाणे सूरिए तयाणंतराओ तयागंतरं मंडलाओ मंडलं संकममाणे-संकममाणे 'एगमेगेणं राइदिएणं एगमेगं भागं ओयाए रयणिखेत्तस्स निवुड्ढेमाणे-निवुड्ढेमाणे दिवसखेत्तस्स अभिवड्ढेमाणे-अभिवड्ढेमाणे सव्वभंतरं मंडलं उवसंकमित्ता चारं चरइ, ता जया णं सूरिए सव्वबाहिराओ मंडलाओ सव्वब्भंतरं मंडलं उवसंकमित्ता चारं चरइ तया णं सव्वबाहिरं मंडलं पणिधाय एगेणं तेसीतेणं राइंदियसतेणं एग तेसीतं भागसतं ओयाए रयणिखेत्तस्स निवुड्ढेत्ता दिवसखेत्तस्स अभिवड्ढेत्ता चारं चरइ 'मंडलं अट्ठारसहि नीसेहि सएहि“ छेत्ता, तया णं उत्तमकट्ठपत्ते उक्कोसए अट्ठारसमुहत्ते दिवसे भवइ, जहणिया दुवालसमुहुत्ता राती भवति, एस णं दोच्चे छम्मासे, एस णं दोच्चस्स छम्मासस्स पज्जवसाणे। एस णं आदिच्चे संवच्छरे, एस णं आदिच्चस्स संवच्छरस्स पज्जवसाणे ।।
सत्तमं पाहुडं
१. ता के ते सूरियं वरयति' आहिताति वएज्जा ? तत्थ खलु इमाओ वीसं पडिवत्तीओ पण्णत्ताओ । तत्थेगे एवमाहंसु-ता मंदरे णं पव्वए सूरियं वरयति आहितेति वएज्जा—एगे एवमाहंसु १ एगे पुण एवमाहंसु-ता मेरु णं पव्वए सूरियं वरयति आहितेति वएज्जा-- एगे एवमाहंसु २ एवं एएणं अभिलावेणं णेयव्वं जाव' पव्वयराए णं पव्वए सूरियं वरयति आहितेति वएज्जा-एगे एवमाहंसु २० वयं पुण एवं वदामो–ता मंदिरेवि पवुच्चइ तहेव जाव पव्वयराएवि पवुच्चइ ता जे णं पोग्गला सूरियस्स लेसं फुसंति ते णं पोग्गला सूरियं वरयंति, अदिट्ठावि णं पोग्गला सूरियं वरयंति, चरमलेसंतरगतावि गं पोग्गला सूरियं वरयंति ।।
१. दो भाए ओयाए दोहिं राइदिएहि रातिखेत्तस्स
रातिखेत्तस्स (ट,व)। ४. अटारसहि तीसेहि सएहिं मंडलं (ट,व)। ५. वरति (ट,व)। ६. सू ५।१।
२. अटारसहिं तीसेहिं सएहिं मंडलं (ट,व)। ३. एगमेगं भागं ओयाए एगमेयेणं राइदिएणं
Jain Education International
For Private & Personal Use Only
www.jainelibrary.org
