Agam 16 Upang 05 Surya Pragnapti Sutra Surpannatti Terapanth

SR No.: 003574
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 505
Language: Prakrit
Classification: Book_Devnagari, Agam, Canon, & agam_suryapragnapti
File Size: 9 MB

Page 101

६२४
सूरपथ्णत्ती
से निक्खममाणे सूरिए नवं संवच्छरं अयमाणे पढमंसि अहोरत्तंसि अभिंत राणंतर मंडलं उवसंकमित्ता चारं चरइ, ता जया णं सूरिए अभिंतराणतरं मंडलं उवसंकमित्ता चारं चरइ तया णं एगेणं राइदिएणं एगं भागं ओयाए दिवसखेत्तस्स निवुड्डित्ता रयणिखेत्तस्स अभिवड्डित्ता चारं चरइ ‘मंडलं अट्ठारसहिं तीसेहिं सएहि" छेत्ता, तया णं अट्ठारसमुहुत्ते दिवसे भवइ दोहिं एगट्ठिभागमुहुत्तेहिं ऊणे, दुवालसमुहुत्ता राती भवति दोहिं एग ट्ठिभागमुहुत्तेहिं अहिया । से निक्खममाणे सूरिए दोच्चंसि अहोरत्तंसि अन्भिंतरं तच्चं मंडलं उवसंकमित्ता चारं चरइ, ता जया णं सूरिए अभिंतरं तच्चं मंडलं उवसंकमित्ता चारं चरइ तया णं दोहिं राइदिएहिं दो भागे ओयाए दिवसखेत्तस्स निवत्तिा रयणिखेत्तस्स अभिवडढेत्ता चारं चरइ 'मंडलं अट्रारसहिं तीसेहि सएहि छेत्ता तया णं अदारसमूहत्ते दिवसे भवइ चाहिं एगट्ठिभागमुहुत्तेहि ऊणे, दुवालसमुहुत्ता राती भवति चहिं एगट्ठिभागमुहुत्तेहिं अहिया । एवं खलु एतेणुवाएणं निक्खममाणे सूरिए तयाणंतराओ तयाणंतरं मंडलाओ मंडलं संकममाणे-संकममाणे 'एगमेगे मंडले एगमेगेणं राइदिएणं एगमेगं भागं
ओयाए" दिवसखेत्तस्स निवुड्ढेमाणे-निवुड्ढेमाणे रयणिखेत्तस्स अभिवड्ढेमाणे-अभिवड्ढेमाणे सव्वबाहिरं मंडलं उवसंकमित्ता चारं चरइ, ता जया गं सूरिए सव्वब्भंतराओ मंडलाओ सव्वबाहिरं मंडलं उवसंकमित्ता चार चरइ तया णं सबभतरं मंडलं पणिधाय' एगेणं तेसीतेणं राइंदियसतेणं एगं तेसीतं भागसतं ओयाए' दिवसखेत्तस्स निवुड्ढेत्ता रयणिखेत्तस्स अभिवड्ढेता चारं चरइ 'मंडलं अट्ठारसहि तीसेहिं स एहि छेत्ता, तया णं उत्तमकट्टपत्ता उक्कोसिया अट्ठारसमुहुत्ता राती भवति, जहण्णए दुवालसमुहुत्ते दिवसे भवइ, एस णं पढमे छम्मासे, एस णं पढमस्स छम्मासस्स पज्जवसाणे। से पविसमाणे सूरिए दोच्चं छम्मासं अयमाणे" पढमंसि अहोरत्तंसि बाहिराणंतरं मंडलं उवसंकमित्ता चार चरइ, ता जया णं सूरिए बाहिराणंतरं मंडल उवसंकमित्ता चारं चरइ तया णं 'एगेणं राइदिएणं एगं भागं ओयाए रयणिक्खेत्तस्स"२ निवुड्ढेत्ता दिवसखेत्तस्स अभिवड्ढेत्ता चारं चरइ 'मंडलं अट्ठारसहिं तीसेहि सएहि छेत्ता, तया णं अट्ठारसमुहुत्ता राती भवति दोहिं एगट्ठिभागमुहुत्तेहि ऊणा, दुवालसमुहुत्ते दिवसे भवइ दोहिं एगट्ठिभागमुहत्तेहि अहिए । से पविसमाणे सूरिए दोच्चंसि अहोरत्तंसि 'बाहिरं तच्चं" मंडलं उवसंकमित्ता चारं चरइ, ता जया णं सूरिए बाहिरं तच्चं मंडलं उवसंकमित्ता चारं चरइ, तया णं
१. अयमीणे (क) । २. अब्भंतराणंतरं (ट,व)। ३. अटारसहिं तीसेहिं सतेहिं मंडलं (ट,ब)। ४. अन्भतरं (ग,घ,ट,व)। ५. अट्टारसहिं तीसेहिं सतेहिं मंडलं (ट,व)। ६. एगमेगं भागं ओयाए एगमेगे मंडले एगमेगेणं
रातिदिएणं (ट,व)। ७. पणिहाए (ट,व)।
८. ओताए (ट)। ६. रतणिखेत्तस्स (क,ग,५); रातिखेत्तस्स (ट)। १०. अट्ठारसहि तीसेहिं मंडलं (ट,व)। ११. अयमीणे (क,ग,घ,व) । १२. एग भाग ओयाए एगेणं राइदिएणं राति
खेत्तस्स (टव)। १३. अट्ठारसहि तीसेहिं सएहि मंडलं (ट,व) १४. बाहिरतच्चं (क,ग,घ,ब)।