Agam 16 Upang 05 Surya Pragnapti Sutra Surpannatti Terapanth

SR No.: 003574
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 505
Language: Prakrit
Classification: Book_Devnagari, Agam, Canon, & agam_suryapragnapti
File Size: 9 MB

Page 103

अट्ठमं पाहुडं
१. ता कहं ते उदयसंठिती आहितेति वएज्जा ? तत्थ खलु इमाओ तिण्णि पडिवतीओ पण्णत्ताओ। तत्थेगे एवमाहंसु-ता जया णं जंबुद्दीवे दीवे दाहिणड्ढे अट्ठारसमुहुत्ते दिवसे भवइ तया णं उत्तरड्ढेवि अट्ठारसमुहत्ते दिवसे भवइ, ता जया णं उत्तरड्ढे अट्ठारसमुहुत्ते दिवसे भवइ तया णं दाहिणड्ढेवि अट्ठारसमुहुत्ते दिवसे भवइ, ता जया णं जंबुद्दीवे दीवे दाहिणड्ढे सत्तरसमुहत्ते दिवसे भवइ तया णं उत्तरड्ढे वि सत्तरसमुहुत्ते दिवसे भवइ, ता जया णं उतरड्ढे सत्तरसमुहत्ते दिवसे भवइ तया णं दाहिणड्ढेवि सत्तरसमुहुत्ते दिवसे भवइ, एवं परिहावेतव्वं सोलसमृहुत्ते दिवसे पण्ण रसमुहुत्ते दिवसे चउद्दसमुहुत्ते दिवसे तेरसमुहत्ते दिवसे जाव ता जया णं जंबुद्दीवे दीवे दाहिणड्ढे बारसमुहत्ते दिवसे
इ तया ण उत्तरढीव बारसमुहत्तं दिवसे भवइ, ताजया ण उत्तरडढे बारसमहत्तं दिवसे भवइ तया णं दाहिणडढेवि बारसमूहत्ते दिवसे भवइ, ता जया णं दाहिणडढे बारसमुहुत्ते दिवसे भवइ तया णं जंबुद्दीवे दीवे मंदरस्स पव्वयस्स पुरथिमपच्चत्थिमे णं सदा पण्णरसमुहुत्ते दिवसे भवइ, सदा पण्णरसमुहुत्ता राती भवति, अवट्ठिया णं तत्थ राइंदिया पणत्ता समणाउसो ! एगे एवमाहंसु १ एगे पुण एवमाहंसु--ता जया णं जंबुद्दीवे दीवे दाहिणड्ढे अट्ठारसमुहुत्ताणतरे दिवसे भवइ तया णं उत्तरड्ढेवि अट्ठारसमुहत्ताणतरे दिवसे भवइ, ता जया णं उत्तरड्ढे अट्ठारसमुहुत्ताणतरे दिवसे भवइ तया णं दाहिणड्ढेवि अट्ठारसमुहुत्ताणंतरे दिवसे भवइ, एवं परिहावेतव्वं-सत्तरसमुहुत्ताणतरे दिवसे भवइ, सोलसम्हुत्ताणतरे दिवसे भवइ, पण रसमुहुत्ताणंतरे दिवसे भवइ, चोद्दसमुहुत्ताणतरे दिवसे भवइ, तेरसमुहत्ताणंतरे दिवसे भवइ ता जया णं जंबुद्दीवे दीवे दाहिणड्ढे बारसमुहत्ताणंतरे दिवसे भवइ, तया णं उत्तरड्ढेवि बारसमुहुत्ताणतरे दिवसे भवइ, ता जया णं उत्तरड्ढे बारसमुहुत्ताणंतरे दिवसे भवइ तया णं दाहिणढेवि बारसमुहुत्ताणंतरे दिवसे भवइ, तया णं जंबुद्दीवे दीवे मंदरस्स पव्वयस्स पुरस्थिमपच्चत्थिमे णं णो सदा पण्ण रसमुहत्ते दिवसे भवइ, णो सदा पण्णरसमुहुत्ता राती भवति, अणवट्ठिता णं तत्थ राइंदिया पण्णत्ता समणाउसो! एगे एवमासु २ एगे पुण एवमाहंसु-ता जया णं जंबुद्दीवे दीवे दाहिणडढे अट्ठारसमुहुत्ते दिवसे भवइ तया णं उत्तरड्ढे दुवालसमुहुत्ता राती भवति, ता जया णं उत्तरड्ढे अट्ठारसमुहुत्ते दिवसे भवइ तया णं दाहिणड्ढे दुवालसमुहुत्ता राती १. सता (ग,घ,ट,व)।
२. बारसमुहत्ता (ग,ध)। ६२६