Page Text
________________
४०.
जंबुद्दीवपण्णत्ती १४७. तीसे णं भंते ! समाए भरहस्स वासस्स केरिसए आगारभावपडोयारे भविस्सइ ? गोयमा ! वहुसमरमणिज्जे भूमिभागे भविस्सई, से जहाणामए आलिंगपुक्खरेइ वा जाव' णाणाविहपंचवण्णेहिं मणीहि तणेहि य उवसोभिए, तं जहा-कित्तिमेहि चेव अकित्तिमेहि चेव ।।
१४८. तीसे णं भंते ! समाए मणुयाणं केरिसए आगारभावपडोयारे भविस्सइ ? गोयमा ! तेसि णं मणुयाणं छविहे संघयणे, छविहे संठाणे, बहूईओ रयणीओ उड्ढे उच्चतेणं, जहण्णेणं अंतोमुहुत्तं, उक्कोसेणं साइरेगं वाससयं आउयं पालेहिति, पालेता अप्पेगइया णिरयगामी', 'अप्पेगइया तिरियगामी, अप्पेगइया मण्यगामी, अप्पैगइया देवगामी, ण सिज्झंति'।
१४६. तोसे णं समाए एक्कवीसाए वाससहस्से हि काले वीइक्कंते अणंतेहि वण्णपज्जवेहि अणंतेहिं गंधपज्जवेहिं अणंतेहि रसपज्जवेहि अणंतेहिं फासपज्जवेहि अणंतेहिं संघयणपज्जवेहिं अणंतेहिं संठाणपज्जवेहिं अणतेहिं उच्चत्तपज्जवेहिं अणंतेहिं आउपज्जवेहि अणंतेहिं गरुयलहुयपज्जवेहिं अणंतेहिं अगरुयलहुयपज्जवेहि अणंतेहिं उट्ठाणकम्म-बल-वीरिय-पुरिसक्वार-परक्कमपज्जवेहिं अणंतगुणपरिवड्डीए' परिवड्ढेमाणे-परिवडढेमाण, एत्थ ण दुसमसूसमाणाम समा काले पडिज्जिस्सइ समणाउसो! ॥
१५०. तीसे णं भंते ! समाए भरहस्स वासस्स केरिसए आगारभावपडोयारे भविस्सइ ? गोयमा ! बहुसमरमणिज्जे भूमिभागे भविस्सइ, से जहाणामए आलिंगपुक्खरेइ वा जाव णाणाविहपंचवण्णेहि मणीहिं तणेहि य उवसोभिए, तं जहा-कित्तिमेहिं चेव अकित्तिमेहि चेव ।।
१५१. तेसि णं भंते ! मणुयाणं केरिसए आगारभावपडोयारे भविस्सइ ? गोयमा ! तेसि णं मणुयाणं छविहे संघयणे, छव्विहे संठाणे, बहूई धणूई उड्ढे उच्चत्तेणं, जहण्णेणं अंतोमुहत्तं, उक्कोसेणं पुन्वकोडि' आउयं पालेहिति, पालेत्ता अप्पेगइया णिरयगामी', •अप्पेगइया तिरियगामी, अप्पेगडया मणयगामी, अप्पेगइया देवगामी, अप्पेगइया सिज्जिहिंति बुज्झिहिंति मुच्चि हिंति परिणिव्वाहिति सव्वदुक्खाणं अंतं करेहिति ।।
१५२. तीसे णं समाए तओ वंसा समुप्पज्जिस्संति, तं जहा-तित्थगरवंसे चक्कवट्टिवंसे दसारवंसे ॥
१५३. तीसे णं समाए तेवीसं तित्थगरा, एक्कारस चक्कवट्टी, णव बलदेवा, णव वासुदेवा समुप्पज्जिस्संति ॥
१५४. तीसे णं समाए सागरोवमकोडाकोडीए बायलीसाए वाससहस्सेहिं ऊणियाए
१. जी० ३१२७७ । २. सं० पा.--णिरयगामी जाव अप्पेगइया। ३. नवरं न सिझति' त्ति द्वितीयारकवत्तिनो मनुजा न सिध्यन्ति' वर्तमान प्रयोगोपि भवि- ष्यत्तयाऽवसातव्यः, तेनन सेत्स्यन्ति सकल- कर्मक्षयलक्षणां सिद्धि न प्राप्स्यन्तीत्यर्थः
(ही) । ४. सं० पा०-वण्णपज्जवेहिं जाब परिवड्ढेमाणे । ५. धणूयाई (अ, त्रि, ब)। ६. पुवकोडी (प)। ७. सं० पा.-.-णिरयगामी जाव अंतं।
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |