Page Text
________________
बीओ बक्खारो धाराहिं ओध मेघ सत्तरत्तं वासं वासिरसइ, जेणं भरहस्स वासरस भूमीए वणं गंधं रसं फासं च जणइस्सइ॥
१४३. तंसिं च णं खीरमेहंसि सत्तरत्तं णिवतितंसि समाणंसि, एत्थ णं घयमेहे णाम महामेहे पाउभविस्सइ--- भरहापमाणमेत्ते आयामेणं, तदणुरूवं च णं विक्खंभ-वाहल्लेणं । तए णं से घयमेहे महामेहे खिप्पामेव पतणतणाइस्सइ', 'पतणतणाइत्ता खिप्पामेव पविज्जुयाइस्सइ, पविज्जुयाइत्ता खिप्पामेव जुग-मुसल-मुट्टिप्पमाणमेत्ताहिं धाराहिं ओघमेघ सत्तरत्तं वासं वासिस्सइ, जेणं भरहस्स वासस्स भूमीए सिणेहभावं जणइस्सइ ।।
१४४. तंसि च णं घयमेहंसि सत्तरत्तं णिवतितंसि समाणंसि, एत्थ णं अमयमेहे णामं महामेहे पाउब्भविस्सइ--भरहपमाणमेत्ते आयामेणं', 'तदणुरूवं च णं विक्खंभवाहल्लेणं । तए ण से अमयमेहे महामहे खिप्पामेव पतणतणाइस्सइ, पतणतणाइत्ता खिप्पामेव पविज्जुयाइस्सइ, पविज्जुयाइत्ता खिप्पामेव जुग-मुसल-मुट्ठिप्पमाणमेत्ताहिं धाराहिं ओएमेघ सत्तरत्तं वासं वासिस्सइ, जेण भरहे वासे रुवख-गुच्छ-गुम्म-लय-वल्लि-तण-पव्वगहरित-ओसहि-पवालंकुरमा ईए तणवणस्सइकाइए जणइस्सइ।।
१४५. तंसि च णं अमयमहसि सत्तरत्तं णिवतितंसि समाणसि, एत्थ ण रसमेहे णामं महामेहे पाउभविस्सइ--भरहप्पमाणमेत्ते आयामेणं' 'तदणुरूवं च णं विक्खंभ-बाहल्लेणं । तए णं से रसमेहे महामेहे खिप्पामेव पतणतणाइस्सइ, पतणतणाइत्ता खिप्पामेव पविज्जुयाइस्सइ, पविज्जुयाइत्ता खिप्पामेव जुग-मुसल-मुट्ठिप्पमाणमेत्ताहिं धाराहि ओघ मेघं सत्तरत्तं वासं वासिस्सइ, जेणं तेसि बहूणं रुक्ख-गुच्छ-गुम्म-लय-वल्लि-तण-पव्वग-हरितओसहि-पवालंकुरमादीणं तित्त-कडय-कसाय-अंबिल-महुरे पंचविहे रसविसेसे जणइस्साई। तए णं भरहे वासे भविस्सइ परूढरुक्ख-गुच्छ-गुम्म-लय-वल्लि-तण-पव्वग-हरिय-ओसहिए, उचियतय-पत्त-पवालंकुर -पुप्फ-फलसमुइए सुहोवभोगे यावि भविस्सइ ।।
१४६. तए णं ते मणुया भरह वासं परुढरुक्ख-गुच्छ-गुम्म-लय-वल्लि-तण-पव्वय-हरियओसहीयं उवचियतय-पत्त-पबालंकुर-पुष्प-फलसमुइयं सुहोवभोगं जायं चावि पासिहिंति, पासित्ता बिलेहितो णिद्धाइस्संति. णिद्धाइत्ता हट्ठतुट्ठा अण्णमण्णं सद्दा विस्संति, सद्दावित्ता एवं वदिस्संति-जाते णं देवाणुप्पिया ! भरहे वासे परूढरुक्ख-गुच्छ-गुम्म-लय-वल्लि-तणपव्वय-हरिय:- ओसहीए उवचियतय-पत्त-पवालंकुर-पुप्फ-फलसमुइए° सुहोवभोगे, तं जे णं देवाणु प्पिया ! अम्हं केइ अज्जप्पभिइअसुभं कुणिमं आहारं आहारिस्सइ, से णं अणेगाहिं छायाहि वज्जणिज्जेत्तिक? संठिति ठवेस्सं ति, ठवेत्ता भरहे वासे सुहंसुहेण भिरममाणाअभिरमाणा विहरिस्संति ॥
१. सं० पा०—पतणतणाइस्सइ जाव वासं। २. सं. पा. -आयामेणं जाव वासं। ३. सं० पा०-आयामेण जाव वासं । ४. पवालिपल्लवंकूर (अ,ब); पवा लपल्लवंकुर
(क,ख,त्रि,स,पुव, शाव); पवालपल्लवांकुरु
(ख) अग्रेपि । ५. वावि (अ,क,ख,त्रि,ब,स) ! ६. सं० पा० ---हरिय जाव' सुहोवभोगे। ७. बवचिद् वर्ज' इति सूत्रपाठेतु वयो वर्जनीय
इत्यर्थः (शाव)।
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |