________________
३२८
तेइं दियाण वि ॥
१२. चउरदियाणं पुच्छा । गोयमा ! दुविहा पण्णत्ता, तं जहा - सागारपासण्या य अणागारपासणया य । सागारपासणया जहा बेइंदियाणं ||
१३. चउरिदियाणं भंते ! अणागारपासणया कतिविहा पण्णत्ता ? गोयमा ! एगा चक्खुदंसणअणागारपासणया पण्णत्ता ॥
१४. मणूसाणं जहा ' जीवाणं । सेसा जहा णेरइया जाव वेमाणिया ||
१५. जीवा णं भंते ! कि सागारपस्सी ? अणागारपस्सी ? गोयमा ! जीवा सागारपस्सी वि अणागारपस्सी वि ॥
१६. से केणट्ठणं भंते ! एवं वुच्चति - जीवा सागारपस्सी वि अणागारपस्सी वि ? गोयमा ! जे णं जीवा सुयणाणी ओहिणाणी मणपज्जवणाणी केवलणाणी सुयअण्णाणी विभंगणाणी ते गं जीवा सागारपस्सी । जे गं जीवा चक्खुदंसणी ओहिदंसणी केवल दंसणी ते गं जीवा अणागारपस्सी । से तेणट्ठेणं गोयमा ! एवं वुच्चति-जीवा सागारपस्सी वि अणागारपस्सी वि ॥
१७. रइया णं भंते! कि सागारपस्सी ? अणागारपस्सी ? गोयमा ! एवं चेव, णवरं - सागारपासणयाए मणपज्जवणाणी केवलणाणी ण वुच्चति, अणागारपासणयाए केवलदंसणं णत्थि । एवं जाव थणियकुमारा ॥
१८. पुढविक्काइयाणं पुच्छा । गोयमा ! पुढविकाइया सागारपस्सी, णो अणागारस्सी ||
पण्णवणासुत्त
१६. से केणट्ठणं भंते ! एवं वुच्चति ? गोयमा ! पुढविक्काइयाणं एगा सुयअण्णाणसागारपासण्या पण्णत्ता । से तेणट्ठेणं गोयमा ! एवं वुच्चति । एवं जाव वणस्सति
काइया ||
२०. बेइंदियाणं पुच्छा । गोयमा ! सागारपस्सी णो अणागारपस्सी ||
२१. से केणट्ठेणं भंते ! एवं वच्चति ? गोयमा ! बेइंदियाणं दुविहा सागारपासणया पण्णत्ता, तं जहा -- सुयणाणसागारपासणया य सुयअण्णाणसागारपासण्या य । से तेणट्ठेणं गोमा ! एवं वुच्चति । एवं तेइंदियाण वि ॥
२२. चउरिदियाणं पुच्छा । गोयमा ! चउरिदिया सागारपस्सी वि अणागारपस्सी वि ॥
२३. से केणट्ठेणं ? गोयमा ! जेणं चउरिदिया सुयणाणी सुतअण्णाणी ते गं चउरिदिया सागारपस्सी, जेणं चउरिदिया चक्खुदंसणी ते गं चउरिदिया अणागारपस्सी । से तेणट्ठेणं गोयमा ! एवं दुच्चति ॥
२४. मणूसा जहा जीवा । अवसेसा जहा णेरइया जाव वेमाणिया ||
२५. केवली णं भंते! इमं रयणप्पभं पुढव आगारेहिं हेतुहि उवमाहिं दिते हिं वहिं संठाणेहि पमाणेह पडोयारेहिं जं समयं जाणति तं समयं पासति ? जं समयं
१. प० ३०१४ |
२. १० ३० ५-७ ।
Jain Education International
३. ५० ३०११५, १६ ।
४. प० ३०१७ ।
For Private & Personal Use Only
www.jainelibrary.org
