________________
तीसइमं पासणयापयं
१. कति विहा णं भंते ! पासणया पण्णत्ता ? गोयमा ! दुविहा पासणया पण्णत्ता, तं जहा-सागारपासयणा अणागारपासणया ।।
२. सागारपासणया णं भंते ! कइविहा पण्णत्ता ? गोयमा ! छव्विहा पण्णता, तं जहा-सुयणाणसागारपासणया ओहिणाणसागारपासणया मणपज्जवणाणसागारपासणया केवलणाणसागारपासयणया सुयअण्णाणसागारपासणया विभंगनाणसागारपासणया ।
३. अणागारपासणया णं भंते ! कतिविहा पण्णत्ता ? गोयमा ! तिविहा पण्णत्ता, तं जहा--चक्खुदंसणअणागारपासणया ओहिदसणअणागारपासणया केवलदसणअणागारपासणया ॥
४. एवं जीवाणं पि॥
५. णेरइयाणं भंते ! कतिविहा पासणया पण्णत्ता ? गोयमा ! दुविहा पण्णता, तं जहा--सागारपासणया अणागारपासणया ।
६. णेरइयाणं भंते ! सागारपासणया कतिविहा पण्णत्ता? गोयमा ! चउव्विहा पण्णत्ता, तं जहा-सुतणाणसागापासणया ओहिणाणसागारपासणया सुयअण्णाणसागारपासणया विभंगणाणसागारपासणया ।
७. णेरइयाणं भंते ! अणागारपासणया कतिविहा पण्णत्ता ? गोयमा ! दुविहा पण्णत्ता, तं जहा-चक्खुदसणअणागारपासणया य ओहिदसणअणागारपासणया य। एवं जाव थणियकुमारा॥
८. पुढविक्काइयाणं भंते ! कतिविहा पासणया पण्णत्ता ? गोयमा ! एगा सागारपासणया ।।
९. पुढविक्काइयाणं भंते ! सागारपासणया कतिविहा पण्णत्ता ? गोयमा ! एगा सुयअण्णाणसागारपासणया पण्णत्ता । एवं जाव वणप्फइकाइयाणं ।।
१०. बेइंदियाणं भंते ! कतिविहा पासणया पण्णत्ता? गोयमा ! एगा सागारपासणया पण्णत्ता॥
११. बेइंदियाणं भंते ! सागारपासणया कतिविहा पण्णत्ता? गोयमा ! दुविहा पण्णत्ता, तं जहा-सुतणाणसागारपासणया य सुयअण्णाणसागारपासणया य । एवं
३२७
Jain Education International
For Private & Personal Use Only
www.jainelibrary.org
