________________
तौसइमं पासणयापर्य
पासति तं समयं जाणति ? गोयमा ! णो इणट्ठे समट्ठे ||
२६. से केणट्ठेणं भंते ! एवं वुच्चति - केवली णं इमं रयणप्पभं पुढव आगारेहिं ' • हेतुर्हि उवमाहिं दिट्ठतेहि वण्णेहि संठाणेहि पमाणेहि पडोयारेहि° जं समयं जाणति णो तं समयं पासति ? जं समयं पासति णो तं समयं जाणति ? गोयमा ! सागारे से णाणे भवति, अणागारे से दंसणे भवति । से तेणट्ठेणं' गोयमा ! एवं वुच्चति - केवली णं इमं रयणप्पभं पुढवि आगारेहि हेतुहि उवमाहिं दिट्ठतेहि संठाणेहि पमाणेह पडोयारेहि जं समयं जाणति णो तं समयं पासति, जं समयं पासति णो तं समयं जाणति । एवं जाव असत्तमं । एवं सोहम्मं कप्पं जाव अच्चुयं गेवेज्जगविमाणा अणुत्तरविमाणा ईसीप भार पुढवि परमाणुपोग्गलं दुपएसियं खंघं जाव अणतपदेसियं खंध ||
२७. केवली णं भंते ! इमं रयणप्पभं पुढवि अणागारेहि अहेतुर्हि अणुवमाहिं अदिट्ठतेहि अवणेहिं असंठाणेहि अपमाणेहि अपडोयारेहिं पासति, ण जाणति ? हंता गोयमा ! केवली णं इमं रयणप्पभं पुढवि अणागारेहिं' 'अहेतुर्हि अणुवमाहिं अदिट्ठतेहि अवष्णेहि असंठाणेहिं अपमाणेहिं अपडोयारेहि पासति ण जाणइ ॥
२८. से केणट्ठणं भंते ! एवं वुच्चति - केवली णं इमं रयणप्पभं पुढवि अणागारेहि' • अहेतुहि अणुवमाहि अदिट्ठतेहि अवणेहि असंठाणेहि अपमाणेहि अपडोयारेहि पासति, जाणइ ? गोयमा ! अणागारे से दंसणे भवति, सागारे से णाणे भवति । से तेणट्ठेणं गोयमा ! एवं बुच्चति — केवली णं इमं रयणप्पभं पुढव अणागारेहि' अहेतुहि अणुवमाहिं अदिट्ठतेहि अवण्णेहि असंठाणेहि अपमाणेहि अपडोयारेहिं पासति ण जागति । एवं जाव ईसीपम्भारं पुढवि परमाणुपोग्गलं अणतपदेसियं खंधं पासइ, ण जागइ ||
१. सं० पा० आगारेहिं जाव जं । २. सं० पा० - तेणट्ठेणं जाव णो ।
Jain Education International
३२६
३, ४, ५. सं० पा० - आणागारेहिं जाव पासति ।
For Private & Personal Use Only
www.jainelibrary.org
