________________
पण्णवणासुतं अणाहारगा वि॥
१०६. गेरइयाणं पुच्छा । गोयमा ! सव्वे वि ताव होज्जा आहारगा १ अहवा आहारगा य अणाहारगे य २ अह्वा आहारगा य अणाहारगा य ३ । एवं जाव वेमाणिया, णवरं-एगिदिया जहा जीवा ।।
११०. सिद्धाणं पुच्छा । गोयमा ! णो आहारगा, अणाहारगा। भवियदारे आहारगादि-पदं
१११. भवसिद्धिए णं भंते ! जीवे कि आहारए ? अणाहारए ? गोयमा ! सिय आहारए सिए अणाहारए । एवं जाव वेमाणिए ।
११२. भवसिद्धिया णं भंते ! जीवा किं आहारगा ? अणाहारगा ? गोयमा ! जीवेगिदियवज्जो तियभंगो। अभवसिद्धिए वि एवं चेव ।।
११३. णोभवसिद्धिए-णोअभवसिद्धिए णं भंते ! जीवे किं आहारए ? अणाहारए ? गोयमा ! णो आहारए, अणाहारए ! एवं सिद्धे वि ।।
११४. णोभवसिद्धिया-णोअभवसिद्धिया णं भंते ! जोवा किं आहारगा? अणाहारगा? गोयमा ! णो आहरगा, अणाहारगा । एवं सिद्धा वि ।। सण्णिदारे आहारगादि-पदं
११५. सण्णी णं भंते ! जीवे किं आहारगे? अणाहारगे ? गोयमा ! सिय आहारगे सिय अणाहारगे। एवं जाव वेमाणिए, णवरं-एगिदिय-विगलिं दिया ण पुच्छिज्जति ॥
११६. सण्णी णं भंते ! जीवा किं आहारगा ? अणाहारगा? गोयमा ! जीवाईओ तियभंगो जाव वेमाणिया ।।
११७. असण्णी णं भंते ! जीवे कि आहारए ? अणाहारए ? गोयमा ! सिय आहारए सिय अणाहारए । एवं णेरइए जाव वाणमंतरे' ! जोइसिय-वेमाणिया ण पुच्छिज्जंति
११८. असण्णी णं भंते ! जीवा कि आहारगा? अणाहारगा? गोयमा ! आहारगा वि अपाहारगा वि, एगो भंगो॥
११६. असण्णी णं भंते ! णेरइया कि आहारगा? अणाहारगा ? गोयमा ! आहारगा वा १ अणाहारगा वा २ अहवा आहारए य अणाहारए य ३ अहवा आहारए य अणाहारगा य ४ अहवा आहारगा य अणाहारगे य ५ अहवा आहारगा य अणाहारगाय ६, एवं एते छन्भंगा । एवं जाव थणियकुमारा। एगिदिएसु अभंगयं । बेइंदिय जाव पंचेंदियतिरिक्खजोणीएसु तियभंगो। मणूस-बाणमंतरेसु छन्भंगा ॥
१२०. णोसण्णी-णोअसण्णी णं भंते ! जीवे किं आहारए ? अणाहारए ? गोयमा ! सिय आहारए सिय अणाहारए । एवं मणूसे वि । सिद्धे अणाहारए ।
१२१. पुहत्तेणं णोसण्णी-णोअसण्णी जीवा आहारगा वि अणाहारगा वि । मणूसेसु तियभंगो ! सिद्धा अणाहारगा ॥
१. प्रयुक्तेषु सर्वेष्वादशेषु णावर' इति पदमस्ति।
मलयगिरिणा एतत्पदं नास्ति व्याख्यातम् न च
उपयुक्तमस्ति ।
Jain Education International
For Private & Personal Use Only
www.jainelibrary.org
