________________
अट्ठावीस इमं आहारपयं
३२१ लेस्सादारे आहारगादि-पदं
१२२. सलेसे णं भंते ! जीवे कि आहारए ? अणाहारए ? गोयमा ! सिय आहारए सिय आणाहारए। एवं जाव वेमाणिए ।
१२३. सलेसा णं भंते ! जीवा किं आहारगा? अणाहारगा? गोयमा ! जीवेगिदिवज्जो तियभंगो । एवं 'कण्हलेसाए वि णीललेसाए वि काउलेसाए" वि जीवेगिदियवज्जो तियभंगो। तेउलेस्साए पुढवि-आउ-वणप्फइकाइयाणं छब्भंगा । सेसाणं जीवादीओ तियभंगो जेसिं अत्थि तेउलेस्सा । पम्हलेस्साए य सुक्कलेस्साए य जीवादीओ तियभंगो ।
१२४. अलेस्सा जीवा मणूसा सिद्धा य एगत्तेण वि पुहत्तेण वि णो आहारगा, अणाहारगा। दिट्ठिदारे आहारगादि-पदं
१२५. सम्मट्टिी गं भंते ! जीवे कि आहारए ? अणाहारए ? गोयमा ! सिय आहारए सिय अणाहारए। बेइंदिय-तेइंदिय-चरिदिया छब्भंगा। सिद्धा अणाहारगा। अवसेसाणं तियभंगो॥
१२६. मिच्छद्दिट्ठीसु जीवेगिदियवज्जो तियभंगो॥
१२७. सम्मामिच्छट्टिी णं भंते ! किं आहारए ? अणाहारए ? गोयमा ! आहारए, णो अणाहारए । एवं एगि दिय-विगलिंदियवज्ज जाव वेमाणिए । एवं पुहत्तेण वि ॥ संजयदारे आहारगादि-पदं - १२८. संजए णं भंते ! जीवे किं आहारए ? अणाहारए ? गोयमा ! सिय आहारए सिय अणाहारए । एवं मणूसे वि । पुहत्तेण तियभंगो।।
१२६. अस्संजए पुच्छा। गोयमा ! सिय आहारए सिय अणाहारए । पुहत्तेणं जीवेगिदियवज्जो तियभंगो॥
१३०. संजयासंजए जीवे पंचेंदियतिरिक्खजोणिए मणूसे य एते एगत्तेण वि पुहत्तेण वि आहारगा, णो अणाहारगा।।
१३१. णोसंजए-णोअसंजए-णोसंजयासंजए जीवे सिद्धे य एते एगत्तेण वि पुहत्तेण वि णो आहरगा, अणाहारगा ॥ कसायदारे आहारगादि-पदं
१३२. सकसाई' णं भंते ! जीवे किं आहारए ? अणाहारए ? गोयमा ! सिय आहारए सिय अणाहारए । एवं जाव वेमाणिए। पुहत्तेणं जीवेगिदियवज्जो तियभंगो।।
१३३. कोहकसाईसु जीवादीसु एवं चेव, णवरं-देवेसु छन्भंगा। माणकसाईसु मायाकसाईसु य देव-णेरइएसु छब्भंगा । अवसेसाणं जीवेगिदियवज्जो तियभंगो। लोभकसाईसु रएसु छन्भंगा । अवसेसेसु जीवेगिदियवज्जो तियभंगो।
१३४. अकसाई जहा णोसण्णी-णोअसण्णी ॥
२. सकसादी (क,घ)।
१. कण्हलेसा वि नीललेसा वि काउलेसा
(ख,ग)।
Jain Education International
For Private & Personal Use Only
www.jainelibrary.org
