Page Text
________________
बट्ठावीस इमं आहारपयं
एगिदिएसु आहारद्विआइसत्तग-पदं
२८. पुढविकाइया णं भंते ! आहारट्ठी ? हंता ! आहारट्ठी ॥
२६. पुढविक्काइयाणं भंते ! केवतिकालस्स आहारठे समुप्पज्जति ? गोयमा ! अणुसमयं अविरहिए आहारट्ठे समुप्पज्जति ।।
३०. पुढविक्काइया णं भंते ! किमाहारमाहारेंति एवं जहा णेरइयाणं जाव'
३१. ताई भंते ! कति दिसिं आहारति ? गोयमा ! णिव्वाघाएणं छद्दिसि, वाघायं पडुच्च सिय तिदिसिं सिय चउदिसि सिय पंचदिसिं, णवरं
३२. ओसण्णकारणं ण भवति, वण्ण्णतो काल-णील-लोहिय-हालिह-सुक्किलाई, गंधओ सब्भिगंध-दब्भिगंधाइं, रसओ तित्त-कडय-कसाय-अंबिल-महराइं, फासतो कक्खडमउय-गरुय-लहुय-सीय-उसिण-णिद्ध-लुक्खाई, तेसिं पोराणे वण्णगुणे • गंधगुणे रसगुणे फासगुणे विप्परिणामइत्ता परिपीलइत्ता परिसाडइत्ता परिविद्धंसइत्ता अण्णे अपुन्वे वण्णगुणे गंधगुणे रसगुणे फासगुणे उप्पाएत्ता आयसरीरखेत्तोगाढे पोग्गले सव्वप्पणयाए आहारमाहारेति ॥
३३. पुढविक्काइयाणं भंते ! सव्वतो आहारेंति सव्वतो परिणामें ति सव्वतो ऊससंति सव्वतो जीससंति, अभिक्खणं आहारेंति अभिक्खणं परिणामेंति अभिक्खणं ऊससंति अभिक्खणं णीससंति, आहच्च आहारेंति आहच्च परिणामेंति आहच्च ऊससंति आहच्च णीससंति ? हंता गोयमा ! पुढविक्काइया सव्वतो आहारेंति एवं तं चेव जाव आहच्च णीससंति ॥
३४. पुढविक्काइया णं भंते ! जे पोग्गले आहारत्ताए गेण्हति तेसिं गं भंते ! पोग्गलाणं सेयालंसि कतिभागं आहारेति ? कतिभागं आसाएंति ? गोयमा ! असंखेज्जतिभागं आहारेंति, अणंतभागं आसाएंति ।
३५. पुढविक्काइया णं भंते ! जे पुग्गले आहारत्ताए गेण्हंति ते किं सव्वे आहारेंति ? णो सब्वे आहारेंति ?" गोयमा ! ते सव्वे अपरिसेसिए आहारेति ।।
३६.पढविक्काडया णं भंते ! जे पोग्गले आहारत्ताए गेण्डति ते पंतेसिं पोग्गला कीसत्ताए भुज्जो-भुज्जो परिणमंति? गोयमा ! फासेंदियवेमायत्ताए भुज्जो-भुज्जो परिणमंति । एवं जाव वणप्फइकाइयाणं ॥ विलिदिएसु आहारटिआइसत्तग-पदं
३७. बेइंदिया णं भंते ! आहारट्ठी ? हंता गोयमा ! आहारट्ठी ॥
३८. बेइंदिया णं भंते ! केवतिकालस्स आहारट्ठे समुप्पज्जति ? जहाणेरइयाणं, णवरं-तत्थ णं जेसे आभोगणिव्वत्तिए से णं असंखेज्जसमइए अंतोमुहुत्तिए वेमायाए आहारट्टे समुप्पज्जति । सेसं जहा पुढविक्काइयाणं जाव' आहच्च णीससंति, णवरंणियमा छद्दिसि ॥ १. प० २०१५-१६ ।
४.५० २८।४। २. सं०पा०-सेसं जहा नेरइयाणं जाव आहच्च । ५. असंखेज्जतिसमतिए (क,घ)। ३. सं०पा०—जहेव नेरइया तहेव ।
६. प० २८१३०-३३।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |