Page Text
________________
पष्णवणासुतं
३६. बेइंदिया णं भंते! जे पोग्गले आहारत्ताए गेण्हंति ते णं तेसि पोग्गलाणं सेयालंसि कतिभागं आहारेति ? कतिभागं अस्साएंति ?• गोयमा! असंखेज्जतिभागं आहारेंति, अणंतभागं अस्साएंति ॥
४०. बेइंदिया णं भंते ! जे पोग्गले आहारत्ताए गेण्हंति ते किं सव्वे आहारेति ? णो सव्वे आहारेंति ? गोयमा ! बेइंदियाणं दुविहे आहारे पण्णत्ते, तं जहा-लोमाहारे य पक्खेवाहारे य । जे पोग्गले लोमाहारत्ताए गेण्हंति ते सव्वे अपरिसेसे आहारेंति, जे पोग्गले पक्खेवाहारत्ताए गेहंति तेसिं असंखेज्जइभागमाहारेति गाई च णं भागसहस्साइं अफासाइज्जमाणाई अणासाइज्जमाणाई' विद्धंसमागच्छति ।।
४१. एतेसि णं भंते ! पोग्गलाणं अणासाइज्जमाणाणं अफासाइज्जमाणाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा पोग्गला अणासाइज्जमाणा, अफासाइज्जमाणा अ
४२. बेइंदिया णं भंते ! जे पोग्गले आहारत्ताए "गेण्हंति ते णं तेसिं पोगला कीसत्ताए भुज्जो-भुज्जो परिणमंति ?° गोयमा ! जिभिदिय-फासिदियवेमायत्ताए ते तेसि भुज्जो-भुज्जो परिणमंति ॥
४३. एवं जाव चउरिदिया, णवरं-णेगाइं च णं भागसहस्साई अणग्घाइज्जमाणाइ अफासाइज्जमाणाई अणस्साइज्जमाणाई विद्धसमागच्छति ।।
४४. एतेसि णं भंते ! पोग्गलाणं अणाघाइज्जमाणाणं अणासाइज्जमाणाणं अफासाइज्जमाणाण य कतरे कतरेहितो अप्पा वा वहुया वा तुल्ला वा विसेसाहिया वा? गोयमा ! सव्वत्थोवा पोग्गला अणग्घाइज्जमाणा, अणस्साइज्जमाणा अर्णतगुणा, अफासाइज्जमाणा* अणंतगूणा ॥
४५. तेइंदिया णं भंते ! जे पोग्गले "आहारत्ताए गेण्हंति ते णं तेसिं पोग्गला कीसत्ताए
परिणमंति ?° गोयमा ! घाणिदिय-जिभिदिय-फासिदियवेमायताए ते तेसिं भज्जो-भुज्जो परिणमंति ।।
४६. चउरिदियाण' चविखदिय-घाणिदिय-जिब्भिदिय-फासिदियवेमायत्ताए ते तेसिं भुज्जो-भुज्जो परिणमंति, 'सेसं जहा ते [बे ?] इंदियाणं" । पंचिदियतिरिक्खजोणिएसु आहारट्ठिआइसत्तग-पदं
४७. पंचेंदियतिरिक्खजोगिया जहा ते [बे? ] इंदिया', णवरं-तत्थ णं जेसे आभोग
१. सं० पा० --एवं जहा नेरइयाणं । २,३. "माणाणं (क,ख,ग,घ,पु,मवृ); हरिभद्र-
सुरिणा तत्र प्रक्षेपाहारे बहन्यस्पृष्टानि' इति व्याख्यातम्। चतुरिदियसूत्रे पि अफासाइज्ज
भाणाई इत्यादीनि कर्तृपदानि दृश्यन्ते । ४. सं० पा०---पुच्छा। ५. अप्पासा (क,ध)। ६. सं० पा०--पुच्छा।
७. चोरिदियागं (ख) ८,९. एतस्य समर्पणसूत्रस्य किञ्चित् तात्पर्य नाववुध्यते 'तेइंदिय' सूत्रे 'चरिदिय सूत्रात् अतिरिक्तं किमपि नास्ति, तत् कथं समर्पण क्रियेत । अतोऽनुमीयते 'सेसं जहा बेइंदियाणं' इति पाठः आसीत् किन्तु लिपिदोघेण, स्मृतिदोषेण वा 'बेइंदियाणं' स्थाने तेइंदियाण' इति परिवर्तनं जातम् ।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |