Page Text
________________
३१२
पणवणासुतं १६. जाई भंते ! आणुपुब्वि आहारेंति, ताई किं तिदिसि आहारेंति जाव छद्दिसि आहारेति ? गोयमा !° णियमा छद्दिसि आहारेति ॥
२०. ओसण्णकारणं पडुच्च वण्णओ काल-नीलाई गंधओ दुनिभगंधाई रसतो तित्तरसकड्याइं फासओ कक्खड-गरुय-सीय-लुक्खाई, तेसिं पोराणे वण्णगुणे गंधगुणे रसगुणे फासगुणे विप्परिणामइत्ता परिपीलइत्ता परिसाडइत्ता परिविद्धंसइत्ता अण्णे अपुव्वे वण्णगुणे गंधगुणे रसगुणे फासगुणे उप्पाएत्ता आयसरीरखेत्तोगाढे पोग्गले सव्वप्पणयाए आहारमाहरति ।
२१. गेरइया णं भंते ! सव्वतो आहारति सव्वतो परिणामेंति सव्वओ ऊससंति सव्वओ णीससंति, अभिक्खणं आहारति अभिक्खणं परिणामें ति अभिक्खणं ऊससंति अभिक्खणं णीससंति, आहच्च आहारेंति आहच्च परिणामेंति आहच्च ऊससंति आहच्च णीससंति ? हंता गोयमा ! णेरइया सव्वतो आहारेंति एवं तं' चेव जाव आहच्च णीससंति ॥
२२. गैरइया णं भंते ! जे पोग्गले आहारत्ताए गेहंति ते णं तेसिं पोग्गलाणं सेयालसि कतिभागं आहारेंति ? कतिभागं आसाएंति ? गोयमा ! असंखेज्जतिभागं आहारेंति, अणंतभागं अस्साएंति ।।
२३. णेरइया णं भंते ! जे पोग्गले आहारत्ताए गेण्हंति ते किं सव्वे आहारति णो सव्वे आहारेति ? गोयमा ! ते सव्वे अपरिसेसिए आहारेति ।।
२४. गेरइया णं भंते ! जे पोग्गले आहारत्ताए गेण्हंति ते णं तेसिं पोग्गला कीसत्ताए भुज्जो-भुज्जो परिणमंति ? गोयमा ! सोइंदियत्ताए जाव फासिदियत्ताए अणि?त्ताए अकंतत्ताए अप्पियत्ताए असुभत्ताए अमणुण्णत्ताए अमणामत्ताए अणिच्छियत्ताए अभिज्झियत्ताए अहत्ताए –णो उड्डत्ताए दुक्खत्ताए–णो सुहत्ताए ‘ते तेसि", भुज्जो-भुज्जो परिणमंति॥ भवणवासीसु आहारट्ठिआइसत्तग-पदं
२५. असुरकुमारा णं भंते ! आहारट्ठी ? हंता ! आहारट्ठी। एवं जहा गैरइयाणं तहा असुरकुमाराण वि भाणियव्वं जाव ते तेसि भुज्जो-भुज्जो परिणमंति । तत्थ णं जेसे आभोगणिन्वत्तिए से णं जहणणं चउत्थभत्तस्स, उक्कोसेणं सातिरेगस्स वाससहस्सस्स आहारठे समुप्पज्जति ।।
२६. ओसण्णकारणं पडुच्च वण्णओ हालिद्द-सुक्किलाई गंधओ सुब्भिगंधाइं रसओ अंबिल-महुराई फासओ म उय-लहुअ-णिद्धण्हाई, तेसि पोराणे वण्णगुणे जाव फासिदियत्ताए जाव मणामत्ताए इच्छियत्ताए अभिज्झियत्ताए उड्डत्ताए-णो अहत्ताए सुहत्ताए–णो दुहत्ताए ते तेसि भुज्जो-भुज्जो परिणमंति । सेसं जहा णेरइयाणं ।।।
२७. एवं जाव थगियकुमारणं, णवर-भाभोगणिव्वत्तिए उक्कोसेणं दिवसपुहत्तस्स आहारट्ठे समुप्पज्जति ॥
१. आहारगमाहारेंति (क,घ)। २. ते (क) ४ (ख,ग,घ)।
३. एतेसि (क,ख,ग,घ) । ४. प०२८।४-२४ ।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |