Page Text
________________
अट्ठावीस आहारपयं
पंचवण्णाई पि आहारेंति, विहाणमग्गणं पडुच्च कालवण्णाई पि आहारेंति जाव सुक्किलाई पि आहारैति ॥
७. जाई वण्णओ कालवण्णाई आहारेंति ताइं कि एगगुणकालाई आहारेंति जाव दस गुणकालाई आहारेंति ? संखेज्जगुणकालाई असंखेज्जगुणकालाई अणंत गुणकालाई आहारेति ? गोयमा ! एगगुणकालाई पि आहारेंति जाव अनंतगुणकालाई पि आहारेंति । एवं जाव सुक्किलाई पि ॥
८. एवं गंधओ वि रसतो वि ॥
६. जाई भावओ फासमंताई ताई णो एगफासाई आहारेंति णो दुफासाई आहारेंति णो तिफासाई आहारेंति, चउफासाई आहारेंति जाव अट्ठफासाइं पि आहारेंति, विहाणमग्गणं पडुच्च कक्खडाई पि आहारेंति जाव लुक्खाई पि ॥
१०. जाई फासओ कक्खडाई आहारेति ताई कि एगगुणकक्खडाई आहारेंति जाव अनंत गुणकक्खडाई आहारेंति ? गोयमा ! एगगुणकक्खडाई पि आहारेंति जाव अतगुणकक्खडाई पि आहारैति । एवं अट्ठ वि फासा भाणियव्वा जाव अनंतगुणलुक्खाई पि आहारेति ॥
११. जाई भंते ! अनंतगुणलुक्खाई आहारैति ताई कि पुट्ठाई आहारेंति ? अपुट्ठाई आहारेंति ? गोयमा ! पुट्ठाई आहारेंति, णो अपुट्ठाई आहारेंति ।।
१२. "जाई भंते ! पुट्ठाई आहारेंति, ताई कि ओगाढाई आहारेति ? अणोगाढाई आहारैति ? गोयमा ! ओगाढाई आहारेंति, णो अणोगाढाई आहारेंति ॥
१३. जाई भंते ! ओगाढाई आहारेंति, ताई कि अनंतरोगाढाई आहारेंति ? परंपरोगाढाई आहारेंति ? गोयमा ! अनंतरोगाढाई आहारेति णो परंपरोगाढाई आहारेति ॥
१४. जाई भंते! अगंतरोगाढाई आहारेंति, ताई कि अणूई आहारेंति ? बादराई आहारेंति ? गोयमा ! अणूई पि आहारेंति, वादराई पि आहारेंति । १५. जाई भंते! अणूई पि आहारेंति, वादराई पि आहारेंति, ताई कि उड्ढ आहारेंति ? अहे आहारेंति ? तिरियं आहारेंति ? गोयमा ! उड्ढ पि आहारेंति, अहे वि आहारेंति, तिरियं पि आहारेंति ।
१६. जाई भंते ! उड्ढं पि आहारेंति, अहे वि आहारैति, तिरियं पि आहारेंति, ताई कि आदि आहारैति ? मज्झे आहारेंति ? पज्जवसाणे आहारेंति ? गोयमा ! आदि पि आहारेंति, मज्झे वि आहारेंति पज्जवसाणे वि आहारेति ॥
१७. जाई भंते! आदि पि आहारेंति, मज्झे वि आहारेंति, पज्जवसाणे वि आहारेंति, ताई कि सविसए आहारेति ? अविसए आहारेंति ? गोयमा ! सविसए आहारैति णो अविसए आहारेंति ||
१८. जाई भंते ! सविसए आहारेंति, ताई कि आणुपुव्वि आहारैति ? अणाणुपुव्वि आहारेंति ? गोयमा ! आणुपुवि आहारेंति, णो अणाणुपुव्वि आहारेंति ||
१. सं० पा० – जहा भासुद्देस जाव नियमा
Jain Education International
३११
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |