Page Text
________________
तेवीसइमं कम्मपगडिपयं
२९३
६८. कसायवारसगस्स जहण्णेणं सागरोवमस्स चत्तारि सत्तभागा पलिओवमस्स असंखेज्जइभागेणं ऊणया, उक्कोसेणं चत्तालीसं सागरोवमकोडाकोडीओ; चत्तालीसं वाससताई अबाहा', 'अवाहूणिया कम्मठिती-कम्मणिसेगो।।
६६. कोहसंजलणाए पुच्छा। गोयमा ! जहण्णेणं दो मासा,उक्कोसेणं चत्तालीसं सागरोवमकोडाकोडीओ; चत्तालीसं वाससताई' अबाहा, अबाहूणिया कम्मठिती-कम्मणिसेगो॥
७०. माणसंजलणाए पुच्छा । मोयमा ! जहण्णणं मासं, उक्कोसेणं जहा कोहस्स ।।
७१. मायासंजलगाए पुच्छा। गोयमा ! जहण्णेणं अद्धमासं, उक्कोसेणं जहा कोहस्स ।।
७२. लोभसंजलणाए पुच्छा। गोयमा ! जहणणं अंतोमुहुत्तं, उक्कोसेणं जहा कोहस्स ।।
७३. इत्थिवेदस्स णं पुच्छा। गोयमा! जहणेणं सागरोवमस्स दिवढं सत्तभागं पलिओवमस्स असंखेज्जइभागेणं ऊणयं,उक्कोसेणं पण्णरस सागरोवमकोडाकोडीओ; पण्णरस य वाससताई अवाहा, अबाहूणिया कम्मठिती-कम्मणिसेगो॥
७४. पुरिसवेयस्स णं पुच्छा । गोयमा ! जपणेणं अट्ठ संवच्छराई, उक्कोसेणं दस सागरोवमकोडाकोडीओ; दस य वाससयाई अवाहा' 'अबाहूणिया कम्मठिती-कम्मनिसेगो॥
७५. नपुंसगवेदस्स णं पुच्छा। गोयमा ! जहण्णेणं सागरोवमस्स दुण्णि सत्तभागा पलिओवमस्स असंखेज्जइभागेणं ऊणया, उक्कोसेणं वीसं सागरोवमकोडाकोडीओ; बीसति वाससताइं अबाहा, अवाणिया कम्मठिती--कम्मणिसेगो ।।
७६. हास-रतीणं पुच्छा । गोयमा ! जहण्णणं सागरोवमस्स एक्कं सत्तभागं पलिओवमस्स असंखेज्जइभागेणं ऊणं, उक्कोसेणं दस सागरोवमकोडाकोडीओ; दस य वाससताई अबाहा, अबाहूणिया कम्मठिती--कम्मणिसेगो॥
७७. अरइ-भय-सोग-दुगुंछाणं पुच्छा। गोयमा ! जहण्णेणं सागरोवमस्स दोष्णि सत्तभागा पलिओवमस्स असंखेज्जइभागेणं ऊणया, उक्कोसेणं वीसं सागरोवमकोडाकोडीओ: वीसति वाससताइं अबाहा, अबाहणिया कम्मठिती-कम्मणिसेगो।।
७८. णेरइयाउयस्स णं पुच्छा। गोयमा ! जहण्णेणं दस वाससहस्साइं अंतोमुहत्तमब्भहियाई उक्कोसेणं तेत्तीसं सागरोवमाइं पुवकोडोतिभागमब्भहियाई॥
७६. तिरिक्खजोणियाउयस्स पुच्छा। गोयमा ! जहणणं अंतोमुहत्तं, उक्कोसेणं तिणि पलिओवमाई पुवकोडितिभागमब्भह्यिाई । एवं मणूसाउयस्स वि ।।
८०. देवाउयस्स जहा रइयाउयस्स ठिति ति ।। ८१. णिरयगतिणामाए णं भंते ! कम्मस्स पुच्छा । गोयमा ! जहण्णेणं सागरोवम
१. सं पा०-अबाहा जाव गिसेगो । २. संजलणे (क,ख,ग,घ)। ३. सं० पा०-वाससताई जाव णिसेगो।
४. सं० पा.---अबाहा जाव णिसेगो। ५. °मभइयाई (क,घ)! ६. °णामए (क,ख,घ)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |