Page Text
________________
२६४
पण्णवणासुतं सहस्सस्स दो सत्तभागा पलिओवमस्स असंखेज्जतिभागेणं ऊणगा, उक्कोसेणं वीसं सागरोवमकोडाकोडीओ; वीस य वाससताइं अवाहा, अवाहूणिया कम्मठिती--कम्मणिसेगो ।
६२.तिरियगतिणामाए जहा" णपसगवेदस्स॥
८३. मणुयगतिणामाए पुच्छा। गोयमा! जहणणेणं सागरोवमस्स दिवढं सत्तभागं पलिओवमस्स असंखेज्जइभागेणं ऊणगं, उक्कोसेणं पण्णरस सागरोवमकोडाकोडीओ; पण्णरस य वाससताई अबाहा, अबाहूणिया कम्मठिती-कम्मणिसेगो॥
८४. देवगतिणामाए णं पूच्छा ! गोयमा ! जहण्णेणं सागरोवमसहस्सस्स एक्कं सत्तभाग पलिओवमस्स असंखेज्जइभागेणं ऊणगं, उक्कोसेणं जहा' पुरिसवेयस्स ॥
८५. एगिदियजाइणामाए णं पुच्छा ! गोयमा ! जहण्णेणं सागरोवमस्स दोण्णि सत्तभागा पलिओवमस्स असंखेज्जइभागेणं ऊणगा, उक्कोसेणं वीसं सागरोवमकोडाकोडीओ; 'वीस य" वाससताई अबाहा, अबाहणिया कम्मठिती-कम्मणिसेगो।। ___ ८६. बेइंदियजातिणामाए णं पुच्छा । गोयमा ! जहण्णणं सागरोवमस्स णव पणतीसतिभागा पलिओवमस्स असंखेज्जइभागेणं ऊणगा, उक्कोसेणं अट्ठारस सागरोवमकोडाकोडीओ; अट्ठारस य वाससयाइं अबाहा, अवाहूणिया कम्मठिती-कम्मणिसेगो।।
६७. तेइंदियजाइणामाए णं जहणणं एवं' चेव, उक्कोसेणं अट्ठारस सागरोवमकोडाकोडीओ; अद्रारस य वाससताई अबाहा, अबाहणिया कम्मठिती-कम्मणिसेगो ।।
८८. चरिदियजाइणामाए णं पुच्छा । जहण्णेणं सागरोवमस्स नव पणतीसतिभागा पलिओवमस्स असंखेज्जइभागेणं ऊणया, उक्कोसेणं अट्ठारस सागरोक्मकोडाकोडीओ; अट्ठारस य वाससयाई अबाहा, अबाहूणिया कम्मठिती-कम्मणिसेगो॥
८६. पंचेंदियजाइणामाए णं पुच्छा । गोयमा ! जहणणं सागरोवमस्स दोणि सत्तभागा पलिओवमस्स असंखेज्जइभागेणं ऊणगा, उक्कोसेणं वीसं सागरोवमकोडाकोडीओ; वीस य वाससयाई अबाहा, अबाहूणिया कम्मठिती-कम्मणिसेगो । ओरालियसरीरणामाए वि एवं चेव ॥
१०. वेउब्वियसरीरणामाए णं भंते ! पुच्छा । गोयमा ! जहण्णेणं सागरोवमसहस्सस्स दो सत्तभागा पलिओवमस्स असंखेज्जइभागेणं ऊण्या, उक्कोसेणं वीसं सागरोवमकोडा कोडीओ; वीस य वाससताइं अबाहा, अवाहूणिया कम्मठिती- कम्मणिसेगो।।
६१. आहारगसरीरणामाए जहण्णेणं अंतोसागरोवमकोडाकोडीओ, उक्कोसेण वि अंतोसागरोवमकोडाकोडीओ।
१२. तेया-कम्मसरीरणामाए जहणेणं [सागरोवमस्स ? ] दोषिण सत्तभागा पलिओवमस्स असंखेज्जइभागेणं ऊणया, उक्कोसेणं वीसं सागरोवकोडाकोडीओ; वीस य वाससताई अबाहा, अबाहूणिया कम्मठिती--कम्मणिसेगो। ओरालिय-वेउव्विय-आहारगसरीरंगोवंगणामाए तिण्णि वि एवं चेव । सरीरबंधणणामाए वि पंचण्ह वि एवं चेव ।।
१. प० २३१७५। २.५० २३१७४ ।
३. वीसइ (क,ख,ग,ध)। ४. प०२३४५६।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |