Page Text
________________
२६२
पण्णवणासुतं णामे' दुविहे पण्णत्ते, तं जहा-पसत्थविहायगतिणामे' य अपसत्थविहायगतिणामे य॥
५७. गोए णं भंते ! कम्मे कतिविहे पण्णत्ते ? गोयमा ! दुविहे पण्णत्ते, तं जहाउच्चागोए य णीयागोए य ।।
५८. उच्चागोए णं भंते ! कम्मे कतिविहे पण्णत्ते ? गोयमा ! अट्टविहे पण्णत्ते, तं जहा-जाइविसिट्ठया जाव* इस्सरियविसि ट्ठिया । एवं णीयागोए वि, गवरं-जातिविहीणया जाव' इस्सरियविहीणया ॥
५६. अंतराइए णं भंते ! कम्मे कतिविहे पण्णत्ते ? गोयमा ! पंचविहे पण्णत्ते, तं जहा-दाणंतराइए जाव वीरियंतराइए। कम्मपयडोणं ठिह-पदं
६०. पाणावरणिज्जस्स णं भंते ! कम्मस्स केवतियं कालं ठिती पण्णत्ता ? गोयमा ! जहण्णणं अंतोमुहत्तं, उक्कोसेणं तीसं सागरोवमकोडाकोडीओ; तिणि य वाससहस्साई अबाहा, अबाहूणिया कम्मठिती-कम्मणिसेगो।।
६१. निहापंचयस्स णं भंते ! कम्मरस केवतियं कालं ठितो पण्णत्ता? गोयमा ! जहण्णेणं सागरोवमस्स तिणि सत्तभागा पलिओवमस्स असंखेज्जइभागेणं ऊणया', उक्कोसेणं तीसं सारोवमकोडाकोडीओ; तिण्णि य वाससहस्साइं अबाहा, अबाहूणिया कम्मठिती-कम्मणिसेगो।।
६२. दसणचउक्कस्स णं भंते ! कम्मस्स केवतियं कालं ठिती पण्णत्ता ? गोयमा ! जहण्णेणं अंतोमुहत्तं, उक्कोसेणं तीसं सागरोवमकोडाकोडीओ; तिण्णि य वाससहस्साई अबाहा, अबाहणिया कम्मठिती-कम्मणिसेगो॥
६३. सातावेयणिज्जस्स इरियावहियबंधगं पडुच्च अजहण्णमणुक्कोसेणं दो समया, संपराइयबंधगं पडुच्च जहण्णेणं वारस मुहुत्ता, उक्कोसेणं पण्णरस सागरोवमकोडाकोडीओ; पण्णरस य वाससताइं अबाहा, अवाहूणिया कम्मठिती-- कम्मणिसेगो।।
६४. असायावेयणिज्जस्स जहणणं सागरोव मस्स तिण्णि सत्तभागा पलिओवमस्स असंखेज्जइभागेणं ऊणया, उक्कोसेणं तीसं सागरोवमकोडाकोडीओ; तिग्णि व वाससहस्साई अबाहा, अबाहूणिया कम्मठिती-कम्मणिसेगो॥
६५. सम्मत्तवेयणिज्जस्स पुच्छा । गोयमा! जहण्णणं अंतोमुहत्तं, उक्कोसेणं छावद्धि सागरोवमाइं साइरेगाई॥
६६. मिच्छत्तवेयणिज्जस्स जहण्णेणं सागरोवमं पलिओवमस्स असंखेज्जइभागेणं ऊणगं, उक्कोसेणं सत्तरि कोडाकोडीओ; सत्त य वाससहस्साई अबाहा, अवाहूणिया कम्मठिती-कम्मणिसेगो।
६७. सम्मामिच्छत्तवेदणिज्जस्स जहणणं अंतोमुहत्तं, उक्कोसेण वि अंतोमुहुत्तं ।।
१. विहायो (ग)। २. विहागति (क, घ); विहायो' (ग)। ३. विहामति (क, घ); "विहायो' (ग)। ४. प० २३।२१ ।
५. प० २३।२२। ६. ५०२३१२३ । ७. इदमपृष्टस्य व्याकरणम् (हव)। ८. ऊणता (क,ध); ऊणिया (ग)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |