Page Text
________________
बावीस इमं किरियापयं
२७५
तेणठेणं गोयमा ! एवं वुच्चति--जीवा सकिरिया वि अकिरिया वि ॥ किरियाविसय-पदं
६. अत्यि णं भंते ! जीवाणं पाणाइवाएणं किरिया कज्जति ? हंता गोयमा ! अस्थि ।।
१०. कम्हि णं भंते ! जीवाणं पाणाइवाएणं किरिया कज्जइ ? गोयमा ! छसु जीवणिकाएसु ।।
११. अत्थि णं भंते ! णेरइयाणं पाणाइवारणं किरिया कज्जति ? गोयमा ! एवं चेव । एवं जाव निरंतरं वेमाणियाणं ॥
१२. अस्थि णं भंते ! जीवाणं मुसावाएणं किरिया कज्जति ? हंता ! अस्थि ।।
१३. कम्हि णं भंते ! जीवाणं मुसावाएणं किरिया कज्जति ? गोयमा ! सव्वदन्वेसु । एवं णिरंतरं जरइयाणं जाव वेमाणियाणं ।।
१४. अत्थि णं भंते ! जीवाणं अदिण्णादाणेणं किरिया कज्जति ? हंता अस्थि ।।
१५. कम्हि णं भंते ! जीवाणं अविण्णादाणेणं किरिया कज्जइ ? गोयमा ! गहणधारणिज्जेसु दन्वेसु । एवं रइयाणं णिरंतरं जाव वेमाणियाणं ॥
१६. अत्थि णं भंते ! जीवाणं मेहुणेणं किरिया कज्जति ? हंता ! अस्थि ।।
१७. कम्हि णं भंते ! जीवाणं मेहुणेणं किरिया कज्जति ? गोयमा ! रूवेसु वा रूवसहगतेसु वा दवेसु । एवं रइयाणं णिरंतरं जाव वेमाणियाणं ॥
१८. अत्थि णं भंते ! जीवाणं परिग्गहेणं किरिया कज्जति ? हंता ! अत्थि ॥
१६. कम्हि णं भंते ! जीवाणं परिग्गहेणं किरिया कज्जति ? गोयमा ! सव्वदव्वेसु । एवं णेरइयाणं जाव वेमाणियाणं ॥
२०. एवं कोहेणं माणेणं मायाए लोभेणं पेज्जेणं दोसेणं कलहेणं अब्भक्खाणेणं पेसुग्णेणं परपरिवाएणं अरतिरतीए मायामोसेणं मिच्छादसणसल्लेणं सव्वेसु 'जीव-णेरइयभेदेस्" भाणियव्वं णिरंतरं जाव वेमाणियाणं ति। एवं अट्ठारस एते दंडगा ।। किरियाहेहि कम्मपगडिबंध-पदं
२१. जीवे णं भंते ! पाणाइवाएणं कति कम्मपगडीओ बंधति ? गोयमा ! सत्तविहबंधए वा अट्ठविहबंधए वा । एवं गैरइए जाव णिरंतरं वेमाणिए ।
२२. जीवा णं भंते ! पाणाइवाएणं कति कम्मपगडीओ बंधंति ? गोयमा ! सत्तविहबंधगा वि अट्ठविहबंधगा वि ।।
२३. रइया णं भंते ! पाणाइवाएणं कति कम्मपगडीओ बंधंति ? गोयमा ! सव्वे वि ताव होज्जा सत्तविहबंधगा, अहवा सत्तविहबंधगा य अविहबंधगे य, अहवा सत्तविहबंधगा य अट्ठविहबंधगा य । एवं असुरकुमारा वि जाव थणियकुमारा॥
२४. पुढवि-आउ-तेउ-वाउ-वणप्फइकाइया य, एते सव्वे वि जहा ओहिया जीवा। अवसेसा जहा गैरइया ॥
२५. एवं एते जीवेगिदियवज्जा तिण्णि-तिण्णि भंगा सव्वत्थ भाणियव्वं त्ति जाव १. जीवानेरइयभेदेणं (क,ख,ग,ब) ।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |