________________
बावीसइमं किरियापयं
किरियाभेय-पदं
१. कति णं भंते ! किरियाओ पण्णत्ताओ? गोयमा ! पंच किरियाओ पण्णत्ताओ, तं जहा-काइया अहिगरणिया'पादोसिया पारियावणिया पाणाइवातकिरिया।।
२. काइया णं भंते ! किरिया कतिविहा पण्णत्ता ? गोयमा ! दुविहा पण्णता, तं जहा-अणवरयकाइया य दुप्पउत्तकाइया य ।।
३. अहिगरणिया णं भंते ! किरिया कतिविहा पण्णत्ता ? गोयमा ! दुविहा पण्णत्ता, तं जहा-संजोयणाहिकरणिया य निव्वत्तणाहिकरणिया य ।।
४. पादोसियाणं भंते ! किरिया कतिविहा पण्णत्ता ? गोयमा! तिविहा पण्णत्ता, तं जहा-जेणं अप्पणो वा परस्स वा तदुभयस्स वा असुभं मणं पधारेति'। से त्तं पादोसिया किरिया ॥
५. पारियावणिया णं भंते ! किरिया कतिविहा पण्णत्ता? गोयमा ! तिविहा पण्णता, तं जहा-जेणं अप्पणो वा परस्स वा तभयस्स वा असायं वेदणं उदीरेति । से तं पारियावणिया किरिया ।।
६.पाणातिवातकिरिया णं भंते ! कतिविहा पण्णत्ता? गोयमा ! ति विहा पण्णत्ता, तं जहा-जेणं अप्पाणं वा परं वा तदुभयं वा जीवियाओ ववरोवेइ। से तं पाणाइवायकिरिया ॥ सकिरियत्त-अकिरियत्त-पदं
७. जीवा णं भंते ! कि सकिरिया ? अकिरिया ? गोयमा ! जीवा सकिरिया वि अकिरिया वि ॥
८. से केणठेणं भंते ! एवं वुच्चति-जीवा सकिरिया वि अकिरिया वि? गोयमा ! जीवा दुविहा पण्णत्ता, तं जहा---संसारसमावण्णगा य असंसारसमावण्णगा य । तत्थ णं जेते असंसारसमावण्णमा ते णं सिद्धा, सिद्धा णं अकिरिया। तत्थ णं जेते संसारसमावण्णगा ते विहा पण्णत्ता, तं जहा सेलेसिपडिवण्णगा य असेलेसिपडिवण्णगाय । तत्थ णं जेते सेलेसिपडिवण्णमा ते णं अकिरिया। तत्थ णं जेते असेलेसिपडिवण्णगाते णं सकिरिया। से
१. आहिंगरणिया (पु)
२. वा धारेति (क,ख)।
२७४
Jain Education International
For Private & Personal Use Only
www.jainelibrary.org
