________________
२७६
पष्णवणासुत्तं
मिच्छादसणसल्लेणं । एवं एगत्त-पोहत्तिया छत्तीसं दंडगा होति ॥ कम्मबंधमहिकिच्च किरिया-पदं
२६. जीवे णं भंते ! णाणावरणिज्ज कम्मं बंधमाणे कतिकिरिए ? गोयमा ! सिय तिकिरिए सिय चउकिरिए सिय पंचकिरिए । एवं रइए जाव वेमाणिए ।
२७. जीवाणं भंते ! णाणावरणिज्जं कम्म बंधमाणा कतिकिरिया ? गोयमा! तिकिरिया वि चउकिरिया वि पंचकिरिया वि । एवं णेरइया निरंतरं जाव वेमाणिया ।
२८. एवं दरिसणावरणिज्जं वेयणिज्जं मोहणिज्ज आउयं णामं गोयं अंतराइयं च अट्टविहकम्मपगडीओ भाणियवाओ। एगत्त-पोहत्तिया सोलस दंडगा ।। एगत्त-पुहत्तेहि किरिया-पदं
२६. जीवे णं भंते ! जीवातो कतिकिरिए ? गोयमा! सिय तिकिरए सिय चउकिरिए सिय पंचकिरिए सिय अकिरिए ।
३० जीवे णं भंते ! णेरइयाओ कतिकिरिए ? गोयमा! सिय तिकिरिए सिय चतुकिरिए सिय अकिरिए । एवं जाव थणियकुमाराओ।।
३१. पुढविक्काइयाओ आउक्काइयाओ तेउक्काइयाओ वाउक्काइयाओ वणस्सइकाइयाओ बेइंदिय-तेइंदिय-चउरिदिय-पंचिदियतिरिक्खजोणिया मणूसातो जहा जीवातो। वाणमंतर-जोइसिय-वेमाणियाओ जहा णेरइयाओ॥
३२. जीवे णं भंते ! जीवेहितो कतिकिरिए ? गोयमा ! सिय तिकिरिए सिय चउ. किरिए सिय पंचकिरिए सिय अकिरिए।
३३. जीवे णं भंते ! णेरइएहितो कतिकिरिए ? गोयमा ! सिय तिकिरिए सिय चउकिरिए सिय अकिरिए । एवं जहेव' पढमो दंडओ तहा एसो वि वितिओ भाणियव्वो ।
३४. जीवा णं भंते ! जीवाओ कतिकिरिया ? गोयमा ! 'तिकिरिया वि चउकिरिया वि पंचकिरिया वि अकिरिया वि"॥
३५. जीवा णं भंते ! णेरइयाओ कतिकिरिया ? गोयमा ! जहेव' आइल्लदंडओ तहेव भाणियव्वो जाव वेमाणिय त्ति ।।
३६. जीवा णं भंते ! जीवेहितो कतिकिरिया ? गोयमा ! तिकिरिया वि चउकिरिया वि पंचकिरिया वि अकिरिया वि ।।
३७. जीवा णं भंते ! रइएहिंतो कतिकिरिया ? गोयमा ! तिकिरिया वि चउकिरिया वि अकिरिया वि । असुरकुमारेहितो वि एवं चेव जाव वेमाणिएहितो । ओरालियसरीरेहितो जहा जीवेहितो।।
३८. णेरइए णं भंते ! जीवातो कतिकिरिए ? गोयमा ! सिय तिकिरिए सिय चउकिरिए सिय पंचकिरिए॥
१.५० २२।३०,३१ । २. सिय तिकिरिया वि सिय च उकिरिया वि सिय पंचकिरिया वि सिय अकिरिया वि (क,ख,ग, घ); अस्मिन रचनाक्रमे यत्र 'अपि' शब्दस्य
प्रयोगोस्ति तत्र 'सिय' शब्दस्य प्रयोगो नास्ति, द्रष्टव्यं-२७,३६,३७ सूत्राणि । ३. प० २२।३०,३१ । ४. प० २२१३६ ।
Jain Education International
For Private & Personal Use Only
www.jainelibrary.org
