________________
२२०
पग्णवणासुतं ३३. तेउलेस्साणं भंते ! असुरकुमाराणं ताओ चेव पुच्छाओ। गोयमा ! जहेव' ओहिया तहेव, णवरं-वेदणाए जहा' जोतिसिया। पुढवि-आउ-वणस्सइ-पंचेंदियतिरिक्खमणूसा जहा' ओहिया तहेव भाणियव्वा, णवरं-मणूसा किरियाहिं जे संजया ते पमत्ता य अपमत्ता य भाणियव्वा, सरागा वीयरागा णस्थि ।।
३४. वाणमंतरा तेउलेस्साए जहा असुरकुमारा एवं जोतिसिय-वेमाणिया वि । सेसं तं
चेव ॥
३५. एवं पम्हलेस्सा वि भाणियव्वा, णवरं-जेसिं अत्थि । सुक्कलेसा वि तहेव जेसि अस्थि । सव्वं तहेव जहा ओहियाणं गमओ, णवरं--पम्हलेस्स-सुक्कलेस्साओ पंचेंदियतिरिक्खजोणिय-मणूस-वैमाणियाणं चेव, ण सेसाणं ति ॥
बीओ उद्देसओ लेस्सा -पदं
३६. कति णं भंते ! लेस्साओ पण्णत्ताओ ? गोयमा ! छल्लेस्साओ पण्णत्ताओ, तं जहा- कण्हलेस्सा णीललेस्सा काउलेस्सा तेउलेस्सा पम्हलेस्सा सुक्कलेस्सा। चउवीसदंडएसु लेस्सापरूवण-पदं
३७. णेरइयाणं भंते ! कति लेस्साओ पण्णत्ताओ? गोयमा ! तिग्णि, तं जहा-- किण्हलेस्सा नीललेस्सा काउलेस्सा ।।
३८ तिरिक्खजोणियाणं भंते ! कति लेस्साओ पण्णत्ताओ? गोयमा ! छल्लेस्साओ, तं जहा- कण्हलेस्सा जाव सुक्कलेस्सा ।।
३६. एगिदियाणं भंते ! कति लेस्साओ पण्णत्ताओ? गोयमा ! चत्तारि लेस्साओ, तं जहा--कण्हलेस्सा जाव तेउलेस्सा !
४०. पुढविक्काइयाणं भंते ! कति लेस्साओ? गोयमा! एवं चेव आउ-बणप्फतिकाइयाण वि एवं चेव । तेउ-वाउ-बेइंदिय-तेइंदिय-चरिदियाणं जहा रइयाणं ।।
४१. पंचेदियतिरिक्खजोणियाणं पुच्छा । गोयमा ! छल्लेस्साओ-कण्हलेस्सा जाव सुक्कलेस्सा।
४२. सम्मुच्छिपंचेंदियतिरिक्खजोणियाणं पुच्छा । गोयमा ! जहा णेरइयाणं ॥
४३. गब्भवक्कंतियपंचेंदियतिरिक्खजोणियाणं पुच्छा । गोयमा ! छल्लेसाओ, तं जहा कण्हलेस्सा जाव सुक्कलेस्सा ।।
४४. तिरिक्खजोणिणीणं पुच्छा । गोयमा ! छल्लेस्साओ एताओ चेव ।। ४५. मणुस्साणं पुच्छा । गोयमा ! छल्लेसाओ एताओ चेव ।।
३.१० १७११८-२५॥
१.५० १७:१४.१७ । २.५० १७२७॥
Jain Education International
For Private & Personal Use Only
www.jainelibrary.org
