Page Text
________________
सतरसम लेस्सापयं
२१६
सम्महिदी मिच्छट्टिी सम्मामिच्छट्टिी । तत्थ णं जे ते सम्माहिटी ते तिविहा पण्णता, तं जहा-~-संजया असंजया संजयासंजया । तत्थ णं जेते संजया ते दुविहा पण्णत्ता, तं जहा-- सरागसंजयां य वीतरागसंजया य । तत्थ णं जेते वीतरागसंजया ते णं अकिरिया। तत्थ णं जेते सरागसंजया ते दुविहा पण्णत्ता, तं जहा--- पमत्तसंजया य अपमत्तसंजया य । तत्थ णं जेते अपमत्तसंजया तेसि एगा मायावत्तिया किरिया कज्जति, तत्थ णं जेते पमत्तसंजया तेसि दो किरियाओ कज्जति, तं जहा- आरंभिया मायावत्तिया य । तत्थ णं जेते संजयासंजया तेसिं तिण्णि किरियाओ कज्जति, तं जहा---आरंभिया परिग्गहिया मायावत्तिया । तत्थ णं जेते असंजया तेसिं चत्तारि किरियाओ कज्जति, तं जहा--आरंभिया परिग्गहिया मायावत्तिया अपच्चक्खाणकिरिया । तत्थ णं जेते मिच्छद्दिट्ठी जे य सम्मामिच्छद्दिट्ठी तेसि णेयतियाओ पंच किरियाओ कज्जंति, तं जहा --आरंभिया परिग्गहिया मायावत्तिया अपच्चक्खाणकिरिया मिच्छादसणवत्तिया । सेसं जहा'रइयाणं ।। वाणमंतराइसु समाहारादि-पदं
२६. बाणमंतराणं जहा असुरकुमाराणं ।।
२७. एवं जोइसिय-वेमाणियाण वि, णवरं - ते वेदणाए दुविहा पण्णत्ता, तं जहा-- माइमिच्छट्ठिी उववण्णमा य अमाइसम्मद्दिट्ठी उववण्णगा य । तत्थ णं जेते माइमिच्छद्दिष्ट्रिउववण्णगा ते णं अप्पवेदणतरागा । तत्थ णं जेते अमाइसम्मद्दिट्ठिउववण्णगा ते णं महावेदणतरागा। से तेणळेण गोयमा ! एवं वुच्चइ–सेसं तहेव ।। लेस्सेसु चउवीसदंडएसु समाहारादि-पदं
२८. सलेस्सा णं भंते ! जेरइया सव्वे समाहारा समसरीरा समुस्सासणिस्सासा ? स च्चेव पुच्छा । एवं जहा' ओहिओ गमओं तहा सलेस्सगमओ वि गिरवसेसो भाणियव्वो जाव वेमाणिया ॥
२६. कण्हलेस्सा णं भंते ! जेरइया सज्वे समाहारा समसरीरा समुस्सासणिस्सासा पुच्छा ! गोयमा ! जहा ओहिया, णवरं-गोरइया वेदणाए माइमिच्छद्दिटिउववण्णगा य अमाइसम्माहिट्ठिउववण्णगा य भाणियव्वा । सेसं तहेव जहा ओहियाणं ।।
३०. असुरकुमारा जाव वाणमंतरा एते जहा ओहिया, णवरं-मणूसाणं किरियाहिं विसेसो जाव तत्थ णं जेते सम्मट्ठिी ते तिविहा पण्णत्ता, तं जहा—संजया असंजया संजयासंजया य, जहा ओहियाणं । जोइसिय-वेमाणिया आइल्लिगासु तिसु लेस्सासु ण पुच्छिग्जंति ।।
३१. एवं जहा किण्हलेस्सा चारिया तहा णीललेस्सा वि चारियव्वा ।।
३२. काउलेस्सा गैरइएहितो आरब्भ जाव वाणमंतरा, णवरं--काउलेस्सा गैरइया वेदणाए जहा ओहिया ॥
१. प० १७११२,१३ । २. प० १७।१४-१७ । ३.५० १७४१-२७ ।
४. गमओ भणिओ (पु)। ५. प० १७॥२५॥ ६. प० १७1८,६।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |