Page Text
________________
सतरसमं लेस्सापयं
४६. सम्मुच्छिम मणुस्साणं पुच्छा । गोयमा ! जहा रइयाणं ॥
४७. गभवक्कतियमणूसाणं पुच्छा । गोयमा ! छल्लेसाओ, तं जहा कण्हलेस्सा जाव सुक्कलेसा ॥
४८. मणुस्सीणं पुच्छा । गोयमा ! एवं चेव ||
४६. देवाणं पुच्छा । गोयमा ! छ एताओ चैव ॥
५०. देवीणं पुच्छा । गोयमा ! चत्तारि, तं जहा -- कण्हलेस्सा जाब तेउलेस्सा ॥
५१. भवणवासीणं भंते! देवाणं पुच्छा। गोयमा ! एवं चेव । एवं भवणवासिणीण
वि ॥
५२. वाणमंतर देवाणं पुच्छा । गोयमा ! एवं चैव । एवं वाणमंतरीण वि ॥
५३. जोइसियाणं पुच्छा । गोयमा ! एगा तेउलेस्सा । एवं जोइसिणीण वि ॥ ५४. वेमाणियाणं पुच्छा । गोयमा ! तिण्णि, तं जहा - तेउलेस्सा पम्हलेस्सा सुक्क
२२१
लेस्सा ॥
५५. वेमाणिणीणं पुच्छा । गोयमा ! एगा तेउलेसा || अप्पाबहुय-पदं
५६. एतेसि णं भंते ! सलेस्साणं जीवाणं कण्हलेस्साणं जाव सुक्कलेस्साणं अलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा सुक्कलेस्सा, पम्हलेस्सा संखेज्जगुणा, तेउलेस्सा संखेज्जगुणा, अलेस्सा अनंतगुणा, काउलेस्सा अनंतगुणा, गीललेस्सा विसेसाहिया, कण्हलेस्सा विसेसाहिया, सलेस्सा विसेसाहिया ||
५७. एतेसि णं भंते! णेरइयाणं कण्हलेस्साणं नीललेस्साणं काउलेस्साण य कतरे कतरेहितो अप्पा वा बहुया वा तुल्ला वा विसेसाहिया वा गोयमा ! सव्वत्थोवा रइया कण्हलेस्सा, नीललेस्सा असंखेज्जगुणा, काउलेस्सा असंखेज्जगुणा ||
५८. एतेसि णं भंते! तिरिक्खजोणियाणं कण्हलेस्साणं जाव सुक्कलेस्साण य कतरे कतरेहितो अप्पा वा वहुया वा तुल्ला वा विसेसाहिया वा ? गोयमा ! सव्वत्थोवा तिरिक्खजोणिया सुक्कलेसा, एवं जहा' ओहिया, णवरं - अलेस्सवज्जा' ॥
५६. एतेसि णं भंते ! एगिदियाणं कण्हलेस्साणं जाव तेउलेस्साण य कतरे कतरे हितो अप्पा वा बहुया वातुल्ला वा विसेसाहिया वा ? गोयमा ! सव्वत्थोवा एगिदिया तेउलेस्सा, काउलेस्सा अनंतगुणा, गीललेस्सा विसेसाहिया, कण्हलेस्सा विसेसाहिया ||
६०. एतेसि णं भंते ! पुढविक्काइयाणं कण्हलेस्साणं जाव तेउलेस्साण य कतरे कतरेहितो अप्पा वा बहुया वा तुल्ला वा विसेसा हिया वा ? गोयमा ! जहा ओहिया एगिदिया, गवरं - काउलेस्सा असंखेज्जगुणा । एवं आउक्कायइयाण वि ||
६१. एतेसि णं भंते ! तेउक्काइयाणं कण्हलेस्साणं णीललेस्साणं काउलेस्साणं य
नवरमलेश्यावर्जास्तिरश्चाम लेश्यानामसम्भ
१. प० १७१५६ ।
२. अलेससले सवज्जा ( क, ख, ग, घ ) ; मलयगिरि -
वृत्ती 'अलेश्यावर्जा:' इति पाठ: सम्मतोस्ति
Jain Education International
वात् ।
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |