Agam 15 Upang 04 Pragnapana Sutra Pannavanna Terapanth

SR No.: 003571
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 745
Language: Prakrit
Classification: Book_Devnagari, Agam, Canon, & agam_pragyapana
File Size: 14 MB

Page 197

पंचमं विसेसपयं
१२३
१०६. एवं पंच वण्णा दो गंधा पंच रसा अट्ठ फासा भाणितव्वा ॥
११०. जहण्णाभिणिवोहियणाणीणं भंते ! मणुस्साणं केवतिया पज्जवा पण्णत्ता ? गोयमा ! अणंता पज्जवा पपणत्ता ।।
१११. से केणठेणं भंते ! एवं वुच्चति ? गोयमा ! जहण्णाभिणिबोहियणाणी मणस्से जहण्णाभिणिवोहियणाणिस्स मणुस्सस्स दव्वट्ठयाए तुल्ले । पदेसट्टयाए तुल्ले । ओगाहणट्ठयाए च उट्ठाणवडिते । ठितीए बउट्ठाणवडिते । वण्ण-गंध-रस-फासपज्जवेहिं छट्ठाणवडिते। आभिणिवोहियणाणपज्जवेहिं तुल्ले । सुतणाणपज्जवेहिं तुल्ले । दोहिं दंसणेहिं छट्ठाणवडिते ।।
११२. एवं उक्कोसाभिणिवोहियणाणी वि, नवरं-आभिणिवोहियणाणपज्जवेहि तुल्ले । ठितीए तिट्ठाणवडिते। तिहिं णाहि तिहिं दंसणेहि छट्ठाणवडिते । अजहण्णमणकोसाभिणिबोहियणाणी जहा उक्कोसाभिणिवोहियणाणी, णवरं-ठितीए चउढाणवडिते। सट्टाणे छट्ठाणवडिते॥
११३. एवं सुतणाणी वि॥
११४. जहण्णोहिणाणीणं भंते ! मणुस्साणं केवतिया पज्जवा पण्णत्ता ? गोयमा ! अणंता पज्जवा पण्णत्ता ।।
११५. से केणठेणं भंते ! एवं वुच्चति ? गोयमा! जहण्णोहिणाणी मणुस्से जहण्णोहिणाणिस्स मणुस्सस्स दवट्ठयाए तुल्ले । पएसट्टयाए तुल्ले । ओगाहणट्टयाए तिद्वाणवडिते'। ठिईए तिट्ठागवडिते । वण्ण-गंध-रस-फासपज्जवेहिं दोहिं नाणेहिं छट्ठाणवडिए । ओहिणाणपज्जवेहि तुल्ले । मणपज्जवणाणपज्जवेहिं छट्ठाणवडिए। तिहिं दंसणेहिं छटाणवडिए॥
११६. एवं उक्कोसोहिणाणी वि । अजहण्णमणुक्कोसोहिणाणी वि एवं चेव, णवरं'ओगाहणट्ठयाए चउढाणवडिते" सट्टाणे छट्ठाणवडिए ।।
११७. जहा ओहिणाणी तहा मणपज्जवणाणी वि भाणितव्वे, नवरं-ओगाहणट्टयाए तिद्राणवडिए । जहा आभिणिवोहियणाणी तहा मतिअराणाणी सुतअण्णाणी य भाणितव्वे । जहा ओहिणाणी तहा विभंगणाणी वि भाणियब्वे । चक्खुदंसणी अचक्खदंसणी य जहा आभिणिवोहियणाणी । ओहिदसणी जहा ओहिणाणी । जत्थ णाणा तत्थ अण्णाणा पत्थि, जत्थ अण्णाणा तत्थ णाणा णत्थि, जत्थ दंसणा तत्थ णाणा वि अण्णाणा वि।।
११८. केवलणाणीणं भंते ! मणुस्साणं केवतिया पज्जवा पण्णत्ता ? गोयमा ! अणंता पज्जवा पण्णत्ता ॥
११६. से केणठेणं भंते ! एवं वुच्चइ केवलणाणीणं मणुस्साणं अणंता पज्जवा पण्णत्ता ? गोयमा ! केवलनाणी मणुस्से केवलणाणिस्स मणुस्सस्स दवट्टयाए तुल्ले । पदेसट्याए तुल्ले । ओगाहणट्टयाए च उट्ठाणवडिते । ठितीए तिढाणवड़िते । वण्ण-गंध-रस-फासपज्जवेहि छट्ठाणवडिते । केवलणाणपज्जवेहिं केवलदसणपज्जवेहि य तुल्ले ।।
१. चउट्टाणवडिले (ख,घ); वृत्ती स्वीकृतपाठस्य संवादिविवरण दृश्यते-जवन्यावविरुत्कृष्टा-
वधिर्वाऽवगाहनया त्रिस्थानपतितः (मव) । २. ४ (ख,घ,पु)।