Page Text
________________
१२४
१२०. एवं केवलदंसणी वि मस्से भाणियव्वे || ओगाहणाई पडुच्च वाणमंतराईणं पज्जव-पदं
१२१. वाणमंतरा जहा असुरकुमारा ॥
१२२. एवं जोइसिया वैमाणिया, नवरं - सट्ठाणे ठितीए तिट्ठाणवडिते भाणितब्वे । से तं जीवपज्जवा ||
अजीवपज्जव पर्द
१२३. अजीवपज्जवा णं भंते ! कतिविहा पण्णत्ता ? गोयमा ! दुविहा पण्णत्ता, तं जहा - रूविअजीव पज्जवा य अरूविअजीवपज्जवा य ।
१२४. अरूविअजीवपज्जवा णं भंते ! कतिविहा पण्णत्ता ? गोयमा ! दसविहा पण्णत्ता; तं जहा--धम्मत्थिकाए, धम्मत्थिकायस्स देसे, धम्मत्थिकायस्स पदेसा, अधम्मस्थिकाए, अधम्मत्थिकायस्स देसे, अधम्मत्थिकायस्स पदेसा, आगासत्थिकाए, आगासत्थिकायस्स देसे, आगासत्थि कायस्स पदेसा, अद्धासमए ॥
१२५. रूविअजीवपज्जवा णं भंते ! कतिविहा पण्णत्ता ? गोयमा ! चउव्विहा' तं जहा -- खंधा खंदेसा खंधपदेसा परमाणुपोग्गले ॥
पण्णत्ता,
१२६. ते णं भंते ! किं संखेज्जा असंखेज्जा अनंता ? गोयमा ! नो संखेज्जा, नो असंखेज्जा, अनंता ||
पण्णवणासुतं
१२७. से केणट्ठेणं भंते ! एवं वुच्चति-नो संखेज्जा, नो असंखेज्जा, अणंता ? गोमा ! अनंता परमाणुपोग्गला, अनंता दुपदेसिया खंधा जाव अनंता दसपदेसिया खंधा, अता संखेज्जपदेसिया खंधा, अनंता असंखेज्जपदेसिया खंधा, अनंता अणतपदेसिया खंधा से तेणट्ठेणं गोयमा ! एवं वुच्चति ते गं नो संखेज्जा, नो असंखेज्जा अनंता ।।
१२८. परमाणुपोग्गलाणं भंते! केवतिया पज्जवा पण्णत्ता ? गोयमा ! परमाणुपोग्गलाणं अनंता पज्जवा पण्णत्ता ॥
१२६. से क्रेणट्ठणं भंते! एवं वच्चति - परमाणुपोग्गलाणं अनंता पज्जवा पण्णत्ता ? गोयमा ! परमाणुपोग्गले परमाणुपोग्गलस्स दव्वट्टयाए तुल्ले । पदेसट्टयाते तुल्ले । ओगाहट्टयाए तुल्ले । ठितीए सिथ हीणे सिय तुल्ले सिय अब्भहिए -जदि होणे असंखेज्जभागहीणे वा संखेज्जभागहीणे वा संखेज्जगुणहीणे वा असंखेज्जगुणहीणे वा । अह अन्भहिए असंखेज्जभागमन्महिए वा संखेज्जभागमन्भहिए वा संखेज्जगुणमब्भहिए वा असंखेज्जगुण
भहिए वा । कालवण्णपज्जवेहिं सिय हीणे सिय तुल्ले सिय अब्भहिए -जदि हीणे अनंतभागहीणं वा असंखेज्जभागहीणे वा संखेज्जभागहीणे वा संखेज्जगुणहीणे वा असंखेज्जगुणहीणे वा अनंतगुणहीणे वा । अह् अब्भहिए अनंतभागमन्भहिए वा असंखेज्जभागमन्भहिए वा संखेज्जभागमब्भहिए वा संखेज्जगुणमब्भहिए वा असंखेज्जगुणमब्भहिए वा अनंतगुणमन्भहिए वा । एवं अवसेसवण्ण-गंध-रस फासपज्जवेहि छट्टाणवडिते । फासा णं सीय-उसिणनिद्ध-लुक्नेहि छट्टाणवडिते" । से तेणट्ठेणं गोयमा ! एवं बुच्चति - परमाणुपोग्गलाणं अनंता
१. चउविहा ( क ) 1
२. असौ पाठ: "फासपज्जवेहि छट्टाणवडिते' इति
Jain Education International
पूर्ववतपाठस्य व्याख्यारूपां दृश्यते । 'फासा' इति प्रथमान्तं पदम् अस्य 'लुक्खेहिं' इति
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |