Page Text
________________
तइयं बहुवत्तन्वयपयं
वेद-पदं
६७. एएसि णं भंते ! जीवाणं सवेदगाणं इत्थीवेदगाणं पुरिसवेदगाणं नपुंसमवेदगाणं अवेदगाण य कतरे कतरेहितो अप्पा वा वहुया वा तुल्ला वा विसेसाहिया वा ? गोयमा ! सव्वत्थोवा जीवा पुरिसवेदगा, इत्थीवेदगा संखेज्जगुणा, अवेदमा अणंतगुणा, नपुंसगवेदगा अणंतगुणा, सवेयगा विसेसाहिया ।। कसाय-पदं
१८. एतेसिणं भंते ! जीवाणं सकसाईण' कोहकसाईणं माण कसाईणं मायकसाईणं लोभकसाईणं अकसाईण य कतरे कतरेहितो अप्पा वा वहया वा तुल्ला वा विसेसाहिया वा? गोयमा ! सव्वत्थोवा जीवा अकसाई, माणकसाई अणंतगुणा, कोहकसाई विसेसाहिया, मायकसाई विसेसाहिया, लोहकसाई विसेसाहिया, सकसाई विसेसाहिया ॥ लेस्सा -पदं ___६६. एएसि णं भंते ! जीवाणं सलेस्साण' किण्हलेस्साणं नीललेस्साणं काउलेस्साणं तेउलेस्साणं पम्हलेस्साणं सुक्कलेस्साणं अलेस्साण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा सूक्कलेस्सा, पम्हलेस्सा संखेज्जगणा, तेउलेस्सा संखेज्जगुणा, अलेस्सा अणंतगुणा, काउलेस्सा अणतगुणा, णीललेस्सा विसेसाहिया, किण्हलेस्सा विसेसाहिया, सलेस्सा विसेसाहिया ।। सम्मत्त-पदं
१००. एतेसि णं भंते ! जीवाणं सम्मद्दिट्ठीणं मिच्छट्ठिीणं' सम्मामिच्छादिट्ठीणं च कतरे कतरेहितो अप्पा वा वहुया वा तुल्ला वा विसेसाहिया वा ? गोयमा ! सव्वत्थोवा जीवा सम्मामिच्छदिट्ठी, सम्मट्टिी अणंतगुणा, मिच्छद्दिट्ठी अणंतगुणा ।। णाण-पदं
१०१. एतेसि णं भंते ! जीवाणं अभिणिवोहियणाणीणं सुतणाणीणं ओहिणाणीण मणपज्जवणाणीणं केवलणाणीण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा मणपज्जवणाणी, ओहिणाणी असंखेज्जगुणा, आभिणिबोहियणाणी सुयणाणी य दो वि तुल्ला विसेसाहिया, केवलणाणी अणंतगुणा ।।
१०२. एतेसि णं भंते ! जीवाणं मइअण्णाणीणं सुतअण्णाणीणं विभंगणाणीण य कतरे कतरेहितो अप्पा वः वहुया वा तुल्ला वा विसेसाहिया वा ? गोयमा ! सव्वत्थोवा जीवा विभंगणाणी, मइअण्णाणी सुतअण्णाणी य दो वि तुल्ला अणंतगुणा ॥
१०३. एतेसि णं भंते ! जीवाणं आभिणिवोहियणाणीणं सुयणाणीणं ओहिणाणीणं मणपज्जवणाणीणं केवलणाणीणं मतिअण्णाणीणं सुतअण्णाणीणं विभंगणाणीण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा मणपज्जवणाणी, ओहिणाणी असंखेज्जगुणा, आभिणिवोहियणाणी सुतणाणी य दो वि १. सकसादी (क)।
४. सम्ममिच्छादिट्ठीणं (क); सम्मामिच्छ° (घ)। २. सलेसाणं (क,ख,घ)!
५. विहंग (क,ग,ध)। ३. मिच्छा (ग)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |