________________
८२
पण्णवणासुतं
तुल्ला विसेसाहिया, विभंगणाणी असंखेज्जगुणा, केवलणाणी अणंतगुणा, मइअण्णाणी सुतअण्णाणी य दो वि तुल्ला अणंतगुणा ॥ दसण-पदं
१०४. एतेसि णं भंते ! जीवाणं चक्खुदंसणीणं अचक्खुदंसणीणं ओहिदंसणीणं केवलदसणीण य कतरे कतरेहितो अप्पा वा बहुया वा तुल्ला वा विसेसाहिया वा? गोयमा ! सम्वत्थोवा जीवा ओहिदंसणी, चक्खुदंसणी असंखेज्जगुणा, केवलदसणी अणंतगुणा, अचक्खुदंसणी अणंतगुणा ॥ संजय-पदं
१०५. एतेसि णं भंते ! जीवाणं संजयाणं असंजयाणं संजयासंजयाणं नोसंजयनोअसंजय-नोसंजतासंजताण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा संजता, संजयासंजया असंखेज्जगुणा, नोसंजत-नोअसंजतनोसंजतासंजता अणंतगुणा, असंजता अणंतगुणा ॥ उवओग-पदं
१०६. एतेसि णं भंते ! जीवाणं सागरोवउत्ताणं अणागारोवउत्ताण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा अणागारोवउत्ता, सागरोवउत्ता संखेज्जगुणा ।। आहार-पदं
१०७. एतेसि णं भंते ! जीवाणं आहारगाणं अणाहारगाण य कतरे कतरे हितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा अणाहारगा, आहारगा असंखेज्जगुणा ॥ भासग-पदं
१०८. एतेसि णं भंते ! जीवाणं भासगाणं अभासगाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा भासगा, अभासगा अणंतगुणा ।। परित्त-पदं
१०६. एतेसि णं भंते ! जीवाणं परित्ताणं अपरित्ताणं नोपरित्त-नोअपरित्ताण य कतरे कतरेहितो अप्पा वा बहुया वा तुल्ला वा विसेसाहिया वा? गोयमा ! सव्वत्थोवा जीवा परित्ता, नोपरित्त-नोअपरित्ता अणंतगुणा, अपरित्ता अणंतगुणा ।। पज्जत्त-पदं
११०. एएसि णं भंते ! जीवाणं पज्जत्ताणं अपज्जत्ताणं नोपज्जत्त-नोअपज्जत्ताण य कतरे कतरेहितो अप्पा वा वहुया वा तुल्ला वा विसेसाहिया वा ? गोयमा! सव्वत्थोवा जीवा नोपज्जत्त-नोअपज्जत्तगा, अपज्जत्तगा अणंतगुणा, पज्जत्तगा संखेज्जगणा।।
सुहम-पदं
* १११. एएसि णं भंते ! जीवाणं सुहमाणं वादराणं नोसुहुम-नोबादराण य कतरे कतरेहितो अप्पा वा वहुया वा तुल्ला वा विसेसाहिया वा ? गोयमा ! सव्वत्थोवा जीवा
Jain Education International
For Private & Personal Use Only
www.jainelibrary.org
