Page Text
________________
बिइयं ठाणपयें
३६
साहस्सीणं साणं-साणं अग्गमहिसीणं सपरिवाराणं साणं-साणं परिसाणं साणं-साणं अणियाणं साणं-साणं अणियाधिवतीणं साणं-साणं आयरक्खदेवसाहस्सीणं अण्णेसिं च बहूणं जोइसियाणं देवाण य देवीण य आहेवच्चं पोरेवच्चं जाव' विहरंति।। चंदिम-सूरिया यत्थ दुवे जोइसिंदा जोइसियरायाणो परिवसंति-महिड्ढिया जाव पभासेमाणा । ते णं तत्थ साणं-साणं जोइसिय विमाणावाससतसहस्साणं चउण्हं सामाणियसाहस्सीणं चउण्हं अग्गम हिसीणं सपरिवाराणं तिण्हं परिसाणं सत्तण्हं अणियाणं सत्तण्हं अणियाधिवतीणं सोलसण्हं आयरक्खदेवसाहस्सीणं अण्णेसि च बहूणं जोइसियाणं देवाण य देवीण य आहेबच्चं पोरेवच्च जाव विहरति ।। वेमाणियदेवठाण-पदं
४६. कहि णं भंते ! वेमाणियाणं देवाणं पज्जत्तापज्जताणं ठाणा पण्णत्ता ? कहिणं भंते ! वेमाणिया देवा परिवसंति ? गोयमा ! इमीसे रतणप्पभाए पुढवीए बहुसमरमणिज्जातो भूमिभागातो उड्ढं चंदिम-सूरिय-गह-णक्खत्त-तारारूवाणं बहूइं जोयणसताई बहूई जोयणसहस्साई बहुई जोयणसयसहस्साई बहुगीओ' जोयणकोडीओ बहुगीओ जोयणकोडाकोडीओ उड्ढं दूरं उप्पइत्ता, एत्थ णं सोहम्मीलाण-सणंकुमार-माहिंद-बंभलोय-लंतगमहासुक्क-सहस्सार-आणय-पाणय-आरण-अच्चुत-गेवेज्ज-अणुत्तरेसु, एत्थ णं वेमाणियाणं देवाणं चउरासीइ विमाणावाससतसहस्सा सत्ताणउइं च सहस्सा तेवीसं च विमाणा भवंतीति मक्खातं । ते णं विमाणा सव्वरतणामया अच्छा सोहा लण्हा घट्टा मट्ठा नीरया निम्मला निप्पंका निक्कड़च्छाया सप्पभा सस्सिरीया सउज्जोया पासादीया दरिसणिज्जा अभिरूवा पडिरूवा, एत्थ णं वेमाणियाणं देवाणं पज्जत्तापज्जत्ताणं ठाणा पण्णत्ता। तिस वि लोयस्स असंखेज्जइभागे । तत्थ णं वहवे वेमाणिया देवा परिवसंति, तं जहा--सोहम्मीसाणसणंकुमार-माहिद-बंभलोग-लंतग-महासुक्क-सहस्सार-आणय-पाणय-आरण-अच्चुय-गेवेज्जगअणुत्तरोववाइया देवा । ते णं मिग-महिस-वराह-सीह-छगल-ददुर-हय-गयवइ-भुयग-खग्गउसभंक-विडिम-पागडियचिंधमउडा पसढिलवरमउड-तिरीडधारिणो वरकुंडलुज्जोइयाणणा मउडदित्तसिरया रत्ताभा पउमपम्हगोरा सेया सुहवण्ण-गंध-फासा उत्तमवेउविणो पवरवत्थगंध-मल्लाणुलेवणधरा महिड्ढीया महज्जुइया महायसा महाबला महाणुभागा महासोक्खा हारविराइयवच्छा कडय-तुडियथंभियभुया अंगद-कुंडल-मट्टगंडतलकण्णपीढधारी' विचित्तहत्थाभरणा विचित्तमाला-मउली कल्लाणगपवरवत्थपरिहिया कल्लाणगपवरमल्लाणलेवणा भासुरवोंदी पलंबवणमालधरा दिव्वेणं वण्णेणं दिवेणं गंधेणं दिव्वेणं फासेणं दिव्वेणं संघयणेणं दिव्वेणं संठाणेणं दिव्वाए इड्ढोए दिव्बाए जुतीए दिव्वाए पभाए दिव्वाए छायाए दिव्वाए अच्चीए दिव्वेणं तेएणं दिवाए लेस्साए दस दिसाओ उज्जोवेमाणा पभासेमाणा! ते णं तत्थ साणं-साणं विमाणावाससयसहस्साणं साणं-साणं सामाणियसाहस्सीगं साणं-साणं तावत्तीसगाणं साणं-साणं लोगपालाणं साणं-साणं सपरिवाराणं अगमहिसीणं साणं-साणं परिसाणं साणं-साणं अणियाणं साणं-साणं अणियाधिवतीणं साणं
१. प० २।३०। २. गहगण (ख,घ)।
३. बहुगाओ (क,ख,ग)। ४. °तलपीठधारी (ध)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |