Page Text
________________
पण्णवणासुत्तं साणं आयरक्खदेवसाहस्सीणं अण्णेसि च बहणं वेमाणियाणं देवाणं देवीण य आहेवच्चं पोरेवच्चं सामित्तं भट्टित्तं महत्तरगत्तं आणाईसरसेणावच्चं कारेमाणा पालेमाणा महताहतनट्ट-गीय-वाइततंती-तल-ताल-तुडित-घणमुइंगपडप्पवाइतरवेणं दिव्वाई भोगभोगाई भंजमाणा विहरंति ॥
५०. कहिणं भंते ! सोहम्मगदेवाणं पज्जत्तापज्जत्ताणं ठाणा पण्णता ? कहिणं भंते ! सोहम्मगदेवा परिवसंति ? गोयमा ! जंबुट्टीवे दीवे मंदरस्स पव्वतस्स दाहिणणं इमीसे रयणप्पभाए पुढवीए बहुसमरमणिज्जाओ भूमिभागाओ उड्ढं चंदिम-सूरिय-गहनक्खत्ततारारूवाणं वहई जोयणसताणि बहई जोयणसहस्साई बहई जोयणसतसहस्साई वहुगीओ जोयणकोडीओ बहुगीओ जोयणकोडाकोडीओ उड्ढे दूरं उप्पइत्ता, एत्थ णं सोहम्मे णामं कप्पे पण्णत्ते---पाईण-पडीणायते उदीण-दाहिणवित्थिण्णे अद्धचंदसंठाणसंठिते अच्चिमालिभासरासिवण्णाभे असंखेज्जाओ जोयणकोडीओ असंखेज्जाओ जोयणकोडाकोडीओ आयाम-विक्खंभेणं, असंखेज्जाओ जोयणकोडाकोडीओ परिक्खेवेणं, सव्वरयणामए अच्छे जावपडिरूवे तत्थ णं सोहम्मगदेवाणं क्त्तीसं विमाणावाससतसहस्सा हवंतीति मक्खातं । ते णं विमाणा सव्वरयणामया अच्छा जाव पडिरूवा। तेसि णं विमाणाणं बहुमज्झदेसभागे पंच वडसया पण्णत्ता,त जहा-असागवडसएसोत्तवण्णवडसए'चपगवडसए चयवडसए मज्झं यत्थ सोहम्मवडेंसए । ते णं वडेंसया सव्वरयणामया अच्छा जाव पडिरूवा, एत्थ णं सोहम्मगदेवाणं पज्जत्तापज्जत्ताणं ठाणा पण्णत्ता । तिसु वि लोगस्स असंखेज्जइभागे । तत्थ गं बहवे सोहम्मगदेवा परिवसंति- महिड्डीया जाव' पभासेमाणा। ते गं तत्थ साणं-साणं विमाणावाससतसहस्साणं साथ-साणं सामाणियसाहस्सीणं एवं जहेव ओहियाणं तहेव एतेसि पि भाणितव्वं जाव' आयरक्खदेवसाहस्सीणं अण्णेसि च वणं सोहम्मगकप्पवासीणं वेमाणियाण देवाण य देवीण य आहेवच्चं पोरेवच्चं जाव विहरंति । सक्के यत्थ देविदे देवराया परिवसति, वज्जपाणी पुरंदरे सतक्कतू सहस्सक्खे मघवं पागसासणे दाहिणलोगाधिवती वत्तीसविमाणावाससतसहस्साधिवती एरावणवाहणे सरिदे अरयंवरवत्थधरे आलइयमाल-मउडे णवहेमचारुचित्तचंचलकुंडल विलिहिज्जमाणगंडे महिड्डिए जाव पभासेमाणे। से णं तत्य वत्तीसाए विमाणावाससतसहस्साणं चउरासीए सामाणियसाहस्सीणं तायत्तीसाए तावत्तीसगाणं चउण्हं लोगपालाणं अट्ठण्हं अग्गमहिसीणं सपरिवाराणं तिण्हं परिसाणं सत्तण्हं अणियाणं सत्तण्हं अणियाधिवतीणं च उण्हं च उरासीईणं आयरक्खदेवसाहस्सीणं अण्णेसिं च बहूणं सोहम्मगकप्पवासीणं वेमाणियाणं देवाण य देवीण य आहेवच्चं पोरेवच्चं कुव्वमाणे जाव विहरइ ।।
५१. कहिणं भंते ! ईसाणगदेवाणं पज्जत्तापज्जत्ताणं ठाणा पण्णत्ता ? कहिणं भंते! ईसाणगदेवा परिवसंति ? गोयमा ! जंबुद्दीवे दीवे मंदरस्स पव्वतस्स उत्तरेणं इमीसे रयणप्पभाए पुढवीए बहुसमरमणिज्जाओ भूमिभागाओ उड्ढं चंदिम-सूरिय-गह-णक्खत्त
१. प० २०४६ २. सत्तवग्ण° (ग,घ)। ३,४,.. प० २१४६।
६. ३३ सूत्रे 'कुव्वमाणे' इतिपदानन्तरं जाव' इति
पदं नास्ति।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |