Page Text
________________
पण्णवणासु
४७. एवं जहा काल-महाकालाणं दोन्हं पि दाहिणिल्लाणं उत्तरिल्लाण य भणिया तहा सन्निहिय-सामाणाणं' पि भाणियव्वा' ।
संगहणिगाहा
५८
१ अणवन्निय, २ पणवत्रिय, ३ इसिवाइय, ४ भूयवाइया चेव । ५ 'कंदिय, ६ महाकंदिय, ७ कुहंड य, ८ पयगा देवा * ॥१॥
इमे इंदा
१ सण्णिहिया सामाणा, २ धाय विधाए, ३ इसी य इसिपाले । ४ ईसर महेसरे या, ५ हवइ सुवच्छे विसाले य ॥२॥ ६ हासे हासरई 'विय", ७ सेते य तहा भवे महासेते । ८पयते' 'पपई वि य", नेयव्वा आणुपुव्वीए ॥ ३॥ जोइसियदेवठाण-पदं
४८. कहि णं भंते! जोइसियाणं देवाणं पज्जत्तापज्जत्ताणं ठाणा पण्णत्ता ? कहि णं भंते! जोइसिया देवा परिवसंति ? गोयमा ! इमीसे रतणप्पभाए पुढवीए बहुसम - रमणिज्जाओ भूमिभागाओ सत्ताणउते जोयणसते उड्ढं उप्पइत्ता दसुत्तरे' जोयण सतबाहल्ले तिरियमसंखेज्जे जोतिसत्रिसये, एत्थ गं जोइसियाणं देवाणं तिरियमसंखेज्जा जोइसियविमाणावास सतसहस्सा भवतीति मक्खातं । ते णं विमाणा अद्धक विट्ठगसंठाणसंठिता सव्व फालियामया अब्भुग्गयमूसियत हसिया इव विविमणि कणग-रतणभत्तिचित्ता बाउद्भुतविजयवेजयंतीपडाग-छत्ताइछत्तकलिया तुंगा गगणतल मजुलिहमाणसिहरा जालंतररतणपंजरुम्मिलिय व्व मणि-कणगथू भियागा वियसियसयवत्तपुंडरीय'- तिलय रयणद्धचंदचित्ता णाणामणिमयदामालं किया अंतो बहिं च सण्हा तवणिज्जरुइलवालुयापत्थडा सुहफासा सस्सिरीया सुरूवा परसाईया दरिसणिज्जा' अभिरुवा पडिरूवा, एत्थ णं जोइसिया देवाणं पज्जत्तापज्जत्ताणं ठाणा पण्णत्ता । तिसु वि लोगस्स असंखिज्जतिभागे । तत्थ णं बहवे जोइसिया देवा परिवति, तं जहा वहस्सती चंदा सूरा सुक्का सणिच्छरा राहू धूमकेऊ बुहा अंगारा तत्ततवणिज्जकणगवण्णा, जे य गहा जोइसम्मि चारं चरंति केतू य गइरइया अट्ठावीसतिविहाय नक्खत्तदेवयगणा, णाणासंठाणसंठियाओ य पंचवण्णाओ तारयाओ, ठितलेस्सा चारिणो अविस्साममंडलगई पत्तेयणामंकपागडियचधमउडा" महिड्ढिया जाव" पभासेमाणा । ते णं तत्थ साणं- साणं विमाणावाससतसहस्साणं साणं- साणं सामाणिय
१. सामाणी ( ख, ग ) ।
०२४३, ४४ ।
२.
(
ग )
;
३. कंद्रिय महाकंदिय कुहंडपदेवा इमे इंदा ( ख ) ; यि महादिकोडी पयगए चेव कंदिय महादिय कुड य पयगदेवा य कंद महाकंदिय कुहंडे पययदेवा इमे ईदा
(घ ) ;
४. चेव (क); वसे (ख, घ ) ।
५. यगे ( क ) ; पयए (घ) 1
Jain Education International
(पु) 1
६. पयते याविय ( ख ) ; पयंग वियते ( ग ) ; ययय पए (घ ) ।
७. दसुत्तर (क, ख, ग, घ )
८.
पुंडरीया (पु); 'पुंडरीय' इति पदं गम्यते । ६. दरमणिज्जा ( क ख ) ! १०. पगडिय° (घ)
११.
० २३० ।
For Private & Personal Use Only
मलयगिरिवृत्त्याश्रयेण
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |